自有娛樂圈以來，不少富豪都愛約心儀的女星出席飯局，為了如願以償，就算豪花一百數十萬亦在所不惜。日前香港雜誌《3週刊》聯絡到一名娛樂圈的淫媒，她表示以往富豪相約女星出席飯局，大多都是在高級的私人會所或五星級酒店內進行，雖然私隱度高但仍然有被狗仔隊發現的機會，所以最近在富豪圈中開始流行一種新式的飯局玩意，就是與女星衝上雲霄，富豪們會豪包一架直昇機，與女星直飛澳門吃喝玩樂，有富豪甚至在興起的時候，與女星在直昇機上大玩「機震」，體會另一番風味。
據這名在娛圈中非常活躍的淫媒Z姐（化名）表示，以往富豪相約女星出席飯局甚至是不道德的交易，大多都是在香港的私人會所或五星級酒店內進行，縱使保密功夫做到足，但仍然有被狗仔隊跟蹤的機會，就算是離開香港，因為女星們仍然要在香港國際機場出現，亦會有被跟蹤的機會，因此有富豪就發明了包機離港的新玩意，完全杜絕被狗仔隊跟蹤的機會。
獻計包機飛澳門
據Z姐表示，包機飯局在本年中才開始有富豪提出，過程與以往的飯局分別不大，最大分別只是整個過程完全在香港境外進行，而且私隱度極高，被傳媒發現的機會幾乎等於零，令大家都可以玩得開心盡興而回。
「以前飯局私隱度都高，但啲女星始終都要坐車去飯局地點，即係由出發到地點都有機會俾傳媒影到相，單係影到女星與富豪出入相就已經好麻煩，就算之前有富豪再玩豪啲，包食包住包「濕平」離開香港慢慢玩，但始終都要經香港機場出境，一樣有機會俾機場啲狗仔隊影到相，甚至有傳媒會即時買機票跟足全程。所以之前有個富豪身邊嘅擦鞋仔就同一個富豪獻計，話不如包架直昇機直飛去澳門，去到澳門就直飛私人會所或酒店停機坪，等班傳媒想跟都冇得跟，班女星都玩得特別放心。」
對一般市民來說，直昇機包機費用絕不便宜，由香港單程飛往澳門需約1萬元左右，但對一眾富豪來說卻是十分超值，至少不用擔驚受怕被傳媒發現，這種私隱度對出席的女星們就更加體貼窩心，據Z姐表示，早前就有女星出席飯局，在乘坐直昇機時，與一位富豪興之所至，竟然在九霄雲外大玩機震。
私隱度高玩得放
「女星S唔係隨隨便便出席飯局，要係佢信得過嘅富豪請佢先會出席，上次佢就係同一個相熟富豪玩包機，可能大家相熟啦，加上喺直昇機入面又好浪漫，最後竟然同個富豪玩『機震』，就連個機師喺前面緊直昇機都唔理，咁多個玩得最誇張都係呢次。」
性感清純玩長腿
據Z姐表示，城中不少女星都是一班富豪的目標，當中以前城嫂熊黛林最高200萬，而榮昇「老闆娘」的周秀娜也有富豪出到150萬邀請出席飯局，但最後都未能成事，至於同樣是樣靚身材正的「最佳女配角」陳靜DaDa，亦同樣地有富豪曾經出到120萬的飯局價。其他女星例如Jessica C.，就連最近與澳門的「洗米華」傳出戀情的Mandy Lieu亦在富豪名單之列。
「周秀娜一直都係富豪圈入面嘅大熱門，好多富豪都試過問價，唔好話有其他交易，就算只係出席飯局食餐飯，班富豪都一樣有好興趣，不過一直都成唔到事。至於Mandy Lieu之前都有好多富豪打佢主意，不過自從佢同澳門嘅「洗米華」傳出戀情之後，對班富豪嚟講已經冇晒興趣，最近仲話佢大埋肚，已經即時out出名單。至於熊黛林雖然已經同郭可盈個富貴細佬郭可頌拍拖，不過佢仍然有價有市，始終佢喺好多富豪心目中係一個完美嘅女人。」
好多嫩模玩自薦
其實唔係淨係呢啲行開性感女星先多富豪搵，另類女星都好多富豪搵，好似形象清純『美琪BB』黃美琪都有富豪出價50萬，又或者擁有長腿嘅好似吳若希、連詩雅、黃翠如都有唔少富豪有興趣，不過始終都唔夠一班性格又後生嘅嫩模受歡迎，好似出名好身材嘅崔碧珈、『E Cup超蓮』等等，仍然係唔少富豪嘅首選，始終又後生又好身材，係得人歡心啲！」
由於包機到澳門既快捷又方便，私隱度又高，最近已成為富豪界及娛樂圈的「新寵」，有了名氣的女星固然有價有市，就連不少初出茅廬的新人或嫩模，就紛紛放風自薦，希望以最短的時間搵快錢。
「自從呢個玩意傳出之後，我真係收到好多電話叫我有局就預埋佢，有啲我連名都未聽過，咁咪叫佢send張相嚟望吓囉，原來係嫩模，除此之外連初初出道嘅女新人都有打俾我，我又係唔記得佢咩樣，見到相先知原來係佢，咁邊個就唔好講啦，反正佢都未發過市，無謂咁樣累人啦，總之好多去開飯局嘅女星都對呢個安排好滿意，就算離開時候只係富豪叫司機車佢哋去澳門碼頭坐公共直昇機返香港，班女星都覺得冇所謂，因為根本唔會惹人懷疑。」Z姐表示。
o靚模賣淫
近年模風氣入侵娛樂圈，而且有不少模都被報導指「陪老闆」甚至乎賣淫，這些新聞已經不是甚麼新鮮事。
劉俐
有雜誌指「藍莓」劉俐收25萬陪老闆去酒店開房，影到她和中年男人上酒店之餘，又有WhatsApp及錄音紀錄其交易過程，之後她在訪問中道出原委，解釋當日只是與朋友在澳門唱K歡聚而已，並非賣淫。
Amy
模中早前被爆料涉嫌賣淫的不雅女星Amy（艾美琦），據同行的模爆料， Amy搞掂澳門賭廳大股東柳哥，返港後她突然富貴，以5萬月租尖沙嘴豪宅。
鍾蕙芝
有周刊指鍾蕙芝出席一活動後再與人上房，更指她2萬1千元便可以「直落」，暗示她賣淫。事後她指整件事都好無稽，指當日出席發布會，她留下出席慶功宴，期間有人帶她去房間等候，她怕人誤會立即致電經理人，但經理人叫她不用擔心，加上有助手陪同，便繼續留在房間。