40吋巨肚黎姿 七月生得照Shopping

39歲的黎姿為了盡快替丈夫繼後香燈,退出幕前,深居簡出養好身子,終於得償所願成功懷有「龍鳳胎」,預產期在今年七月。尚有一個月便與囝囝囡囡見面的黎姿,雖然巨肚籮咁大,但仍堅持代弟返工,打理業務,甚至買BB用品亦不假手於人。上周五晚,準媽媽在團隊式看護陪伴下到IFC Shopping,買完所需物品後再極速回家,佗住兩個金叵羅的黎姿異常輕鬆,難為扶住女主人的菲傭一臉提心吊膽。

採訪:張詠森

雖然佗住巨肚,但黎姿對細佬黎嬰的皮膚護理中心生意仍非常着緊,懶理個肚籮咁大,仍堅持代弟返工,打理業務。老公見老婆咁勞心勞力當然識做,請了四個菲傭及兩個看護,務求以團隊式全天候照顧愛妻。

看護提心吊膽

下個月便生得的黎姿,依然對細佬黎嬰的皮膚護理中心生意親力親為,每星期都例必返一次診所處理業務,其餘時間則留在七千萬的豪宅蘭心閣內安胎,不過,興之所至的黎姿,亦會突然想出外走走,親自為BB房打點,四出張羅。上周五晚,黎姿便在看護的重重保護下到IFC行街,不過,腹大便便的她行了十多分鐘便打道回府,黎姿過完癮,看護們亦鬆一口氣。

※成功懷有「龍鳳胎」的黎姿下月生得,準媽媽異常輕鬆,但菲傭就提心吊膽扶實馬太。
※成功懷有「龍鳳胎」的黎姿下月生得,準媽媽異常輕鬆,但菲傭就提心吊膽扶實馬太。
※佗住兩個金叵羅的黎姿出入都以團隊式看護陪伴。
※佗住兩個金叵羅的黎姿出入都以團隊式看護陪伴。
※黎姿雖然大肚,仍堅持代弟返工,打理業務。
※黎姿雖然大肚,仍堅持代弟返工,打理業務。
※黎姿雖然大肚,仍堅持代弟返工,打理業務。

※黎姿婚後退出幕前,深居簡出。資料圖片
※黎姿婚後退出幕前,深居簡出。資料圖片