45歲熟男恨仔恨到流口水
黃澤鋒 3.8婦女節再婚

黃澤鋒在 facebook上載了跟 Lilian的鴛鴦戲水照。

虎年娛樂圈喜事重重，繼陳小春迎娶了應采兒後，無綫男藝員黃澤鋒昨日也公佈下月 8日婦女節跟任職時裝設計師的圈外女友 Lilian共諧連理，他對未婚妻讚不絕口，昨日更發表肉麻愛的宣言，黃澤鋒指 Lilian令他成為最幸福的男人。

本周四便 45歲牛一的黃澤鋒，踏入三月即雙喜臨門，據知他已於日前到婚姻註冊處登記結婚，準備下月 8日與圈外女友 Lilian拉埋天窗。
黃澤鋒與 Lilian拍拖一年多，雙方決定付託終身，二人的恩愛合照更上載到 facebook。 04年離婚的黃澤鋒，對於再婚信心十足，還向未婚妻大派定心丸，他昨日在電話中說：「我唔係二十幾歲嘅小朋友，呢次決定唔係衝動，我希望大家可以白頭到老。」

心意相通

黃澤鋒最近求婚成功，他早前與女友 Lilian遊坪洲。

雖然二人拍拖時間不長，但卻令準新郎冧爆：「我相信結婚唔關拍拖時間長或短事，我同 Lilian一齊之後，真正感受到從未試過嘅幸福感覺，我哋拍拖從未嗌過交，好識為對方設想。 Lilian係上天賜畀我嘅，我哋除咗同樣係虔誠佛教徒，星座都係雙魚座，不過我係醜版黃澤鋒，佢係靚女版黃澤鋒囉。」

努力造人

Lilian小鳥依人的倚在男友黃澤鋒肩上，證明二人愛得如膠似漆。

黃澤鋒表示完婚後，他的下一個目標是賺錢養妻，他說：「我喺情海兜轉咗好多年，婚後同太太有共同目標，大家會一齊行埋餘下嘅人生路。」黃澤鋒更希望盡快做爹哋，他說：「我年紀都唔細，有冇係天意。」問到黃澤鋒突然宣佈婚訊可是奉子成婚，他搞笑說：「我好鍾意小朋友，真係恨到流口水，如果奉子成婚，我就真係發達啦。」但黃澤鋒強調婚後會不設防，努力造人。
採訪：比華利