83萬觀眾電視前悼哥哥

張國榮逝世10周年，無綫及亞視於上周日（3月31日）安排特備節目，無綫於晚上7時播映《哥·聲·魅·影 張國榮》，平均收視14點，約89萬觀眾，最高收視19點。10時轉播《繼續寵愛·十年·音樂會》，分兩個時段播映，直至深夜2時，節目平均收視13點，83萬觀眾在電視前悼念哥哥。通訊局收到有關節目5個投訴，指宣揚同性戀、易服癖、內容不雅對兒童有壞影響。

亞視播特輯獲1點收視

亞視於晚上10時半重播《十年情·張國榮 星空下的傾情》，收視1點，64,200觀眾重溫哥哥昔日風采。

周一至周五無綫黃金時間劇集，《女警愛作戰》平均收視28點，上升1點。《仁心解碼II》平均收視27點，上升1點，約173萬觀眾。通訊局收到7個有關《仁心II》的投訴，指醜化宅男、情節不吸引、沉悶及內容欠深度等。

復活節奇蹟日

亞視贏無綫收視6：4

■亞視收視撼低無綫，只要有夢想，原來真係會發生?！設計圖片、設計對白

亞視一直拒絕承認無綫沿用開、市場又當係指標嘅收視調查報告，亞視前年開始自己搵咗香港大學用電話抽查方式統計收睇亞視嘅收視，仲強調亞視嘅觀眾係逾百萬計，同無綫係有「四六之比」。原來奇蹟唔止喺聖誕節至會有，復活節都有意想不到嘅事發生?！

■亞視上周六嘅六點鐘新聞以6點收視（紅框示），打敗無綫4點收視嘅《向世界出發》。

噚日無綫公佈嘅收視報告中，亞視所講嘅四六之比真係出現咗，喺上周六嘅六點鐘時段，無綫重播鄭丹瑞喺古巴拍嘅《向世界出發》，只得平均4點收視，但同時段亞視嘅《六點鐘新聞》就有6點，真係做到四六之比呀！翻查紀錄，原來自今年1月起，亞視喺逢星期六嘅呢個時段，收視都同無綫拉成均勢有4點，但2月16日後就起咗革命，慢慢變成5點贏無綫1點，到咗上周六更加做到「四六之比」，夢想成真呀！唔知亞視會唔會選擇性信呢個調查呢？

劇集冇得比

不過喺其他時間，無綫都係贏到離行離列，《女警愛作戰》及《仁心解碼II》分別有平均28點（觀眾人數180萬）同27點（觀眾人數173萬），齊齊升咗1點，完全冇受假期影響，唔算特別好，不過亞視肯定冇得揮！

■亞視新聞不嬲有人睇，估唔到收視更超越無綫！資料圖片

■阿旦（中）主持嘅一集《向世界出發》衰咗，令人意外。資料圖片