蔡卓妍33歲生日 酒後吐真言:男人收皮啦!成日讲大话!

「阿Sa」蔡卓妍29歲生日,就有男友陳偉霆(William)陪,今年33歲生日,就有一班老友陪,給面出席的有吳雨霏、鄭希怡同老公Andy,還有英皇與環球兩間唱片公司的工作人員。

11月22日是蔡卓妍33歲生日,阿Sa飽受離婚、分手重創,雖然成晚被仔圍,但心情依然麻麻。看她當晚放上網的賣萌相,表面玩得好盡興,實則「身體卻很誠實」,就算穿全白秋裝,阿Sa依然難掩紙板人身材,明顯整個人瘦了不少。蔡卓妍10年宣布同鄭中基離婚,今年同陳偉霆的姊弟戀又玩完,又回復單身的她,喝醉酒後竟然大嗌:「收皮啦你!」

一班人由夜晚10點,狂歡到半夜3點幾,玩足5小時。壽星女阿Sa在10點前已經到了,一到場就不停喝酒,紅酒溝白酒,完全不怕醉,還同遲到的朋友講:「你咁遲先到,我已經飲咗好多喇!」

蔡卓妍33歲生日 酒後吐真言:男人收皮啦!成日讲大话!

未到12點,阿Sa已經飲到「紅都面晒」,不知是不是因為人妻吳雨霏在,所以大家都玩得好old school,竟然分英皇同環球兩組,玩包剪揼!

阿Sa拎住支白酒周圍走,猛咁撩人互劈,又豪言:「我陪你飲,我好大方,我哋英皇人好大方!」飲到成肚水,望到附近有羽毛球場,阿Sa又話要打羽毛球,其實之前同William一齊時,兩人都有打波當拍拖,不知當晚阿Sa有沒有賭物思人呢?

飲大兩杯,阿Sa走去男人堆撩人隊酒,她先同個男性朋友講:「我同你一人一半,我哋呢啲有義氣,我哋義氣仔嚟㗎嘛!」自隊完,反而個朋友話醉醉哋唔肯飲,她即刻好大反應:「你醉?收皮啦你!我都未見過你醉!」對方即時乖乖自隊,而阿Sa就滿意說:「嚟!一陣送你返屋企!唔准揸車呀!」隊完人,飲到臉紅紅的阿Sa又唱歌,更隨住high爆氣氛忽然大叫:「你哋啲男人,成日都講大話!」這麼感慨,看來真是好傷!

之後有朋友行去阿Sa身邊,要同她乾杯,阿Sa即時出嗲功,向潮牌Ground-Zero創辦人Eri詐嬌:「哥哥,我生日你係咪應該錫住我?」呢位「契哥」聽到,惟有幫手頂酒,之後又搭住阿Sa膊頭,而壽星女就好興奮說:「邊有人去生日會自己揸車㗎?呢個世界有的士㗎嘛!」

BBQ之後,去到正日生日當天,與阿嬌出活動的阿Sa,被問到生日願望,她說:「隨緣啦。」

蔡卓妍33歲生日 酒後吐真言:男人收皮啦!成日讲大话!

阿Sa同前度陳偉霆(William)的生日只是相差一日,所以拍拖時,二人多次合體搞生日派對。不過此情不再,如今阿Sa生日隊酒開派對,而William亦不愁寂寞。

有二人的共同朋友透露,一班朋友本來都是因為阿Sa才同William玩,一齊搞生日搞了幾年,想不到William這麼絕情,所以二人分手後,他們寧願同阿Sa玩,還說既然William覺得自己升級了,那就繼續留在內地做小鮮肉。確實,11月21日生日當天,William同5千位fans慶祝踏入30歲,William在party上剝衫騷肌加自摸,在新歌MV中又化身兔仔,扮可愛狂送吻。