郭富城飛甩葉熙祺 戀情告終

郭富城昨日於旺角朗豪坊出席電訊商宣傳活動,心情極佳的他冇時停,不過問到與葉熙祺的緋聞時即完全封口。自言愛新科技的城城自稱非低頭族,可會錯過葉熙祺的短訊?他只說:「冇喇,過咗去喇!」可有收過情慾短訊?他笑說:「冇喎,冇人傳畀我,我梗係冇傳畀人!」可會覺得好彩?城城即說:「冇啦,過晒去喇,唔再講喇!」據知城城有感與葉熙祺傳緋聞後,女方竟多次被影到在他家中出入,而葉熙祺更於受訪時高調大談感情事,因此城城決定飛甩她,二人近日已沒聯絡,戀情告終。

對於主演的《同謀》入圍角逐第56屆亞太影展,城城說:「入圍好大欣慰,《同謀》唔係一部好大製作,亦都冇得同偉仔(梁朝偉)或《一代宗師》比較,入圍已經打咗強心針。」

郭富城葉熙祺過去式
■城城昨於旺角出席活動時心情大好,惟提到葉熙祺即封口。