由古天樂、楊千嬅、梁詠琪（GiGi）同曾志偉主演嘅《香港仔》5月上映，呢套戲充滿港人情懷，係講97回歸前後嘅香港，香港人可能有嘅心結，而且充滿香港嘅味道。
預告片中有多場精采場面，如吳孟達飾演嘅「喃嘸佬」做破地獄法事，然後見到千嬅坐喺架紙紮的士中，畫面上又見到一隻哥斯拉同一條大鯨魚喺本港沙灘岸上擱淺，似有暗喻。導演彭浩翔花五年時間籌備本片，當中更有涉及唔少佢本人嘅故事同心路歷程。
預告片入面亦不乏火辣親熱鏡頭，古仔同GiGi飾演夫妻，兩人除有咀戲仲有床戲，GiGi飾演大波妹，有場著性感泳衣谷胸場面，GiGi接受訪問時哈哈笑謂：「講真我都係第一次着呢種性感泳衣，又有咀戲、床上戲同谷胸場面，導演叫我做乜都盡量配合，只因對導演有信心。」問GiGi點解忽然豐滿？佢笑道：「導演勁囉！你問導演點解啦！我唔可以劇透。」
而吳孟達同吳家麗有場肉搏親熱場面。而戲中做整容醫生嘅曾志偉，同飾演護士嘅蔡潔有場大膽偷情戲，蔡潔仲會全裸演出。
千嬅呢場戲，好驚喎…
哥斯拉有何喻意？
索爆吳家麗
達哥同吳家麗有火辣親熱戲。
古天樂
大波妹
見唔見到重點？
千嬅
志偉
《香港仔》預告片