圖中呢兩位初哥Cosplayer，好生面口，究竟係邊位?男嘅好鬼日本visual rock feel，原來佢係家明張景淳呀!女嘅仲估唔到，就係上年落選，但網民讚靚爆嘅陳華鑫（Gloria），化完濃妝，真係好似整完容咁。
「2013第十五屆香港動漫電玩節」今年搵咗佢兩個擔任動漫大使，佢兩個就以處女cosplay，一身搖滾造型出現喺灣仔藝術中心嘅記招，張景淳話Gloria有另一個性感造型，遲啲會喺動漫節活動中見到，而Gloria話嗰個只係可愛造型，能夠一次過試兩個唔同造型，都算一個好好嘅體驗，佢話細個時諗過試玩cosplay，不過因為搞造型太複雜，所以冇去實踐，而今次佢哋仲為動漫節拍咗MV同微電影添。
估你唔到兩個係邊位?
好妖呀!
呢位靚女係….?
化妝真係神奇!
其實唔算變好多，但大家仲未好認到Gloria個樣。