忽然一周 771期

係咪好有吸血殭屍 feel呢？（設計對白）
蔡少芬一入化妝間，已經 natural high，擘大口狂笑，可惜原來佢一口補牙，幾個黑色窿窿，好鬼嚇人。

媽咪姐手帳

蔡少芬朱慧敏最終決鬥

2010年05月07日

《飛女正傳》口碑同收視都節節上升，監製戚其義乘勝追擊，周二（ 4日）晚率領全體演員殺上《超級遊戲獎門人大爆法》。劇中由頭鬥到尾嘅蔡少芬同朱慧敏，亦嚟一次最後大決戰。

鬥擺甫士

Ada好專業，玩《獎門人》呢啲遊戲都狂做熱身，朱慧敏（紅衣）唔輸蝕，一齊扭呀跳呀。

鬥爆波波

媽咪姐一早話過呢個爆波遊戲好侮辱女性，大家睇吓 Ada個痛苦樣就知。韋家雄仲狼到執住 Ada啲頭髮係咁壓佢個頭落啲波度。

梗係 sell性感至 sure win啦！（設計對白）
相對嚟講，朱慧敏呢個 sure win甫士就 kawaii得多。

《飛》劇中朱慧敏原是 Ada下屬，靠美色上位變成 Ada上司，兩人由頭鬥到尾。

朱慧敏劇中劇外都係 sell性感，企喺旁邊打氣都露罅。

輪到佢玩時，表面上就將件褸「密封」，但一烏身，原來可以睇得好「通透」。

蔡少芬個樣好似好眼瞓好攰咁，媽咪姐望到都想瞓陣。

媽咪姐手帳

姊妹雙殘

2010年05月07日

蔡少芬又要為《飛》宣傳，連《獎門人》都上埋，都好頻撲。早前佢都冇休息，約埋教會嘅弟兄姊妹去咗佐敦慶祝教會分部開幕，順便同其他教友分享吓信仰心得。不過當日 Ada明顯不在狀態，淡妝之下仍見疲態，尤其對眼，畫晒眼線都冇厘精神，不如返屋企瞌陣先啦。
至於佢好姊妹陳法蓉都唔好得去邊。眼袋兩大個，面容仲有啲水腫，濃妝艷抹都遮唔到。呢兩位好姊妹，究竟想點呀？

當日蔡少芬一早到場同教友傾偈（上圖），同樣係基督徒嘅王祖藍稍後亦有到場，相當有心。

陳法蓉上行妝出席教會開幕，誠意雖然十足，但補救唔到佢塊水腫面。