蔡少芬設計搞童裝 女兒做模特兒

藝人蔡少芬(Ada)首次與兩名朋友合作搞童裝生意,更會落手設計,實行出錢又出力。早前她與囡囡楚兒母女檔拍宣傳照,老公張晉亦有現身撐場。問到投資金額,Ada笑言:「本身係七位數,但諗諗下應該有八位!我一家人一齊做宣傳,第一次出賣我個囡,我都唔平!今次真係落重本!」Ada更大爆未足兩歲的囡囡已識揀衫:「有對鞋佢死都唔肯著,有啲着左望兩望唔鍾意會除左佢,非常醒目!」

大肚蔡少芬 同成班細路影相頭都暈
2013年02月15日 (03:50 pm)

大緊肚嘅蔡少芬(Ada)同埋老公張晉,仲有寶具女楚兒趁今日年初六一齊出動,幫第一次做生意嘅Ada宣傳童裝生意。

兩歲未夠嘅楚兒喺現場四圍走,得意到暈,之後又同老竇玩,影相時又挨住老竇個膊頭,唔怪得有人話阿女係老竇永遠嘅女朋友喇。

Ada扮到成隻蛋咁影相,個肚有幾大就見唔到,不過佢同一班小朋友一齊影相就話自己頭都暈喇,因為拖住幾個小朋友,肚入面嗰個唔知係咪想一齊玩又踢埋一份,所以覺得好難搞咁話。

蔡少芬設計搞童裝 女兒做模特兒
楚兒啲功夫似乎仲勁過老竇張晉!
蔡少芬設計搞童裝 女兒做模特兒
呀~~~
蔡少芬設計搞童裝 女兒做模特兒
利利是是~
蔡少芬設計搞童裝 女兒做模特兒
Ada大肚隻腳都可以咁瘦….