有話兒:蔡少芬輸得喜 與老公同一陣線

有人為劇集收視低迷耿耿於懷,但經歷過四連仆的蔡少芬(Ada),依然可輕鬆面對,皆因在此之前,曾經自滿的她早有過更壞的感受,令她透徹認清自己真正價值所在;如有神助通常發生在錦上添花之時,原來當頭棒喝更見珍貴,正因如此,Ada可更無憂地繼續追求自己所想。

撰文:羅美倫

有話兒:蔡少芬輸得喜 與老公同一陣線
■蔡少芬因當年一次嚴重挫敗經歷,令她對得失看得很輕。攝影:陳慧安

蔡少芬04年因拍《棟篤神探》,沒有接拍《金枝慾孽》,當時兩劇均叫好叫座,估不到如今Ada終有機會拍《金枝慾孽貳》,卻落得面對收視創黃金時段新低的結局,還被發現她連拍戚其義四部劇,收視都欠理想,Ada不好意思的公開向戚其義講句「是我害了你」。

談到收視欠佳,Ada坦言:「當然預計唔到!大家用心拍,出嚟唔成正比,有份拍梗想有好收視,我會緊張收視,但唔會變成我拍戲嘅目的,阿戚要求好高,由《火舞黃沙》、《珠光寶氣》、《飛女正傳》都冇理收視,因為我鍾意佢嘅嘢,佢會撚到啲唔係我嘅嘢出嚟,有好多挑戰。」Ada欣賞阿戚的創新,甚至不惜冒「冇仔生」之險,接拍《飛女正傳》。

拍劇固然想收視好,以及有機會奪獎,但Ada知道兩者都講天時地利人和,她說:「呢啲可遇不可求,有時觀眾喜歡睇古裝,有時觀眾唔鍾意睇時裝,有時可能某啲因素唔鍾意睇電視,好難講,我唔係唔緊張,但收視理想唔會係我嘅價值,亦唔止關一個演員事,係成部戲嘅事,劇本寫得好,全部新人嘅電影都可以攞獎,亦有部戲演員勁但可能導演拍得唔好、劇本唔好,已經冇人睇,成部戲係team work,紅唔會紅一個演員,會紅晒成部戲,有啲戲可能唔收得,但演員做得好一樣有人讚。」

有話兒:蔡少芬輸得喜 與老公同一陣線
■雖然收視不濟,但蔡少芬於《金枝貳》的演出備受讚賞。劇照

有話兒:蔡少芬輸得喜 與老公同一陣線
■當年與黃子華的《棟篤神探》是全年收視冠軍,曾令蔡少芬飄飄然。劇照

失落女主角

睇得通、看得淡不是一日可修煉得來,全因Ada早有當頭棒喝的經歷,當年她因接演《棟篤神探》,未有拍《金枝慾孽》,兩劇同期播映皆叫好叫座,《金枝》氣勢如虹,而《棟篤》亦成了當年劇集收視冠軍,可惜那年她到外地傳福音,人人都只討論《金枝》,令她心裏不舒服。

Ada說:「啲人只掛住《金枝》唔記得《棟篤》,我哋當時仲要拍多個黃子華唔死嘅版本安撫觀眾,我問神點解啲人睇《金枝》唔睇《棟篤》?我冇努力過咩?好多疑問,但突然有好大感受,呢個係咪你嘅價值?已定咗你嘅位置?我有能力、有知名度,唔係要標榜自己有幾叻,而係用我嘅知名度帶人認識主,呢個至係我嘅價值,認清咗之後即時覺得好滿足。」

及後在出席無綫台慶頒獎禮,當時Ada信心十足至少必入最佳女主角五強,估不到上天給她開了個玩笑,Ada笑說:「講起都覺得樣衰!我部戲咁犀利,已經冇諗一定攞視后,前五名實有啦,點知第五位叫咗宣萱,我個籮柚原本已經趷起一半,即刻坐番低,子華坐喺隔籬都話:『點會咁?!』,但我心入面好感謝主,如果冇之前嘅經歷,我會即刻喊,好感謝神之前已安慰我,畀我知道呢啲嘢唔重要,如冇之前經歷,我未必接受得到,因我係普通人唔係聖人,神令我知道呢樣唔係我價值,唔使靠獎代表我好戲定唔好戲,價值有幾高,自此心態變咗,唔係唔care獎,我係重視,但唔代表我嘅價值,唔會牽住我鼻子走,收視都係一樣。」


■因為撐戚其義的創作團隊,蔡少芬拍《飛女正傳》時博到盡。劇照


■蔡少芬與戚其義多番合作,雖然效果未如理想,但蔡少芬仍力撐阿戚。
資料圖片

阿戚如榴槤

是以面對劇集四連仆,Ada都能處之泰然,她認為最重要是自己在演出上有沒有進步,即使今次《金枝貳》收視不理想,她都不曾懷疑自己,她說:「因我鍾意呢個團隊,對阿戚有信心,佢嘅嘢就好似榴槤咁,鍾意嘅好鍾意,唔鍾意嘅會話屎咁臭,各有所好啦!」

在工作上再冇包袱,Ada更能享受家庭生活,隨着老公張晉憑電影《一代宗師》上位,工作接踵而來,Ada直認比老公更開心:「王家衛喎!國際導演喎!國際影星梁朝偉、章子怡喎!拍到呢啲人已好難得,仲咁多戲做得咁好,我一路以嚟都崇拜佢到頂點,佢好好學,打、做戲都好畀心機,佢內涵比我多,有好多地方值得我學習,佢嘅事業唔係咁多地方俾人發掘到,一發掘到我更癲。男人有事業就畀佢更多肯定,??家有自信,靚仔到不得了,就算喺屋企好烏歪,我都話:『老公,點解你咁靚仔嘅,過嚟咀啖先!』。」老公事業起飛,Ada會平衡家庭、事業比重,享受家庭樂,更加沒包袱去追求自己所想。

與老公同一陣線

有話兒:蔡少芬輸得喜 與老公同一陣線
■蔡少芬身為一線花旦,竟有過四連仆經驗,難得她可輕鬆面對。

2000年因媽媽欠下巨額賭債,蔡少芬含淚斷絕母女關係,至近年,母女回復邦交,早前還三代同堂到主題公園遊玩,對於媽媽偶爾被拍得到賭場消遣,Ada都為母說盡好話。

雖在家庭裏有過不愉快的經歷,但從不為Ada造成包袱,她說:「冇話因為我係單親家庭成長,冇安全感會特別注重點教囡囡,信咗教後覺得背景係點唔重要,最重要係我嘅眼光點放,好似我比前面嘅拉住走就變成拖累,唔想變得咁極端,最緊要同老公相愛,畀完整家庭囡囡,要以身作則,教佢哋有感恩嘅心。」

在兩個女兒面前,Ada跟張晉必定同一陣線,她說:「如果爸爸鬧得過份,我會背後同佢講番唔使咁惡呀,其實大家都唔想做衰人,試過兩公婆為咗咁嗌交,但總之喺囡囡面前要一致。」

有話兒:蔡少芬輸得喜 與老公同一陣線
■替張晉生下兩個女兒,蔡少芬自覺最幸福。
資料圖片

有話兒:蔡少芬輸得喜 與老公同一陣線
■張晉憑《一代宗師》上位,蔡少芬為老公努力得到回報而開心。劇照