直擊蔡少芬坐滿月放監生活

蔡少芬(Ada)上月剖腹誕下細女張信兒,由於在家坐月, 連孭重飛的無綫重頭劇《金枝慾孽貳》的所有宣傳活動,都統統缺席。上周五(26日)剛剛坐滿月的Ada如同放監,即拖老公飛奔圓方名店掃貨,短短一小時內,名牌袋、電器、電子產品等大豐收,Ada笑向記者話:「老公獎勵我㗎!」

蔡少芬前年誕下大女楚兒後,未坐足月已破禁外出,頭照洗、穿背心,體質之後變得虛弱,好友透露:「Ada陀細女時,試過突然下體大量出血,陀得唔穩,老人家話應該係上一胎坐月坐得唔好影響,加上係高齡產婦,係要特別小心,所以今次Ada好乖留喺屋企坐月,成日呻悶都唔敢再偷走出去喇!」上周,Ada坐足月後,即同老公由元朗寓所出城到中環恤髮同修甲,翌日(26日),張氏全家出動,兩公婆接楚兒放學後,即直奔名店林立的九龍圓方商場,歎茶醫完肚後,Ada即開始蝗蟲式掃貨,急步走去意大利名牌 Bottega Veneta 掃手袋,唔使十五分鐘即扑槌,買一個再訂一個,埋單約4萬幾蚊,之後再去買 iPad、iPod、fax機、空氣清新機同抽濕機等,滿載而歸,Ada向記者晒命:「坐月好似坐監咁,係老公獎勵我㗎!」

第803期《東方新地》細女滿月 蔡少芬狂屈老公送名牌

張晉請假陪坐月

張晉請了兩個月假陪伴Ada,下月到泰國拍電影,他在王家衛執導的《一代宗師》中表現突出而彈起,近年工作量飊升,接拍廣告和出席event機會多了,更有機會灌錄唱片做歌手,終於不用只掛住蔡少芬老公牌頭,難得抬頭,即發威豪賞妻女,扮做一日大豪客。

第803期《東方新地》細女滿月 蔡少芬狂屈老公送名牌
素顏的Ada仲未收身,臉容憔悴,掛住抱細女信兒,露出粗腰。

幫手宣傳《金枝貳》

《金枝慾孽貳》上周首播,收視低開只有平均23點,劇迷等足九年,可惜播映以來,網民插多過讚,彈角色混亂、踩苟芸慧廣東話唔掂、葉翠翠唸對白如背急口令等,Ada因為坐月無參與宣傳,對於口碑差如置身事外,她說:「收視好講天時地利人和。(會唔會幫手宣傳?)遲啲先,我晚晚湊女時都有追㗎!」

第803期《東方新地》細女滿月 蔡少芬狂屈老公送名牌

第803期《東方新地》細女滿月 蔡少芬狂屈老公送名牌

(第803期《東方新地》)