曾志偉和陳維冠監製的無綫劇《Aerobic Girls 舞室保衛戰》今日喺電視城開鏡拜神，李若彤、李麗珍、江欣燕、陳慧珊、張慧儀、葉蘊儀和袁潔瑩七位女主角，與及吳啟華、鄭敬基及鄭丹瑞等一眾演員都以劇中造型出席。咁一眾後生版當然都有出席啦。

承認與吳積遜十二年婚姻告終的江欣燕，婚變消息傳出後首度現身，現場所見欣欣的心情尚算平伏，飾演舞室老闆娘嘅佢，喺台上介紹角色時仲話：「我哋要保衛阿媽留低嘅舞室，冇男人都唔緊要，我哋要靠自己！」結果志偉等人拍手叫好。

今集眾主角齊人，畢竟已經唔係十八廿二，所以眾主角個妝都幾「重手」，葉蘊儀明顯發福，陳慧珊就似乎又瘦咗，李麗珍同李若彤、袁潔瑩就狀態唔錯，不過李若彤同袁潔瑩都係瘦得滯。

昔日一眾花旦，感情路上行咗一段又一段冤枉路，即使歲月不饒人，但一直自力不息、內心美麗。所以，個個都咁靚；喺觀眾記憶中，都係一樣。

《舞室保衛戰》今日試造型，大家覺得個look點？

晒冷

葉蘊儀、李麗珍

李若彤、江欣燕

李麗珍同鄭敬基﹗

袁潔瑩

男主角之一…鄭丹瑞與李若彤。

開拍之前，葉蘊儀可會諗諗減磅？

連苗金鳳都請得動，志偉確係勁。

欣欣呢件戲服，好

張慧儀與賴慰玲

表情各有各趣怪

珍妹個樣，似乎等到唔係好耐煩。

李麗珍與王敏奕

李若彤與陳嘉寶

袁潔瑩與吳嘉熙

葉蘊儀同糖妹…身形開始接近…

失婚的欣欣，顯得有點沒精打采。

陳慧珊、吳啟華，曾經在《壹號皇庭V》同《妙手仁心》交過手。

江欣燕與吳燕菁

粗髀糖妹……真係要減喇

《舞室保衛戰》今日試造型，除咗江欣燕成為焦點之外，之前坦認曾抑鬱、甚至萌死念嘅李若彤都搶唔少風頭。反而陳慧珊、張慧儀同袁潔瑩等人就好似「低調」咗少少。

除咗欣欣同李若彤之外，仲有兩個人令人投注目禮。一個係久未露面嘅gag王盧大偉，佢都有份演出。09年盧David都拍過亞視嘅《香港亂噏》，又拍電影《七十二家租客》。依家重返TVB，令人有非常親切嘅感覺。

仲有一個呢……就係飾演葉蘊儀少女版嘅糖妹。陰功豬，之前已經俾網民笑佢對腳粗，今日仲著緊身Aerobic舞衣，一雙「肉」腿原形畢露。拍埋好瘦嘅陳嘉寶一齊，真係粗幼立現。影合照嗰陣，仲俾「少女版陳慧珊」陳瀅鬆踭頂到胸……慘慘豬呀!

仲俾陳瀅頂胸

好圓渾

同葉蘊儀係咪好襯呢？

嚟個全身，記住個shape喇。

左起:糖妹、王敏奕、吳嘉熙、賴慰玲、陳嘉寶、吳燕菁同陳瀅。

睇到邊個最slim未呢？

近鏡…令人諗起「x華火x」。

再望望陳嘉寶…

盧David，welcome back!

真係好期待再欣賞到一代gag神盧David功力﹗

仲有苗金鳳

鄭敬基…好似冇老過。