《仁心解碼Ⅰ、Ⅱ》角色重複 病人變醫生 人都癲!

呢排大家睇TVB,都有一種……好時空錯亂嘅感覺。究其原因,唔係因為觀眾睇得太投入,而係因為,無綫太缺人。之前韓馬利連續晚上唔同時段兼緊接數劇出現,已經令人亂晒。依家,仲要係搞笑到,喺2011年《仁心1》出現過嘅病人,喺2013年播出嘅《仁心II》變晒醫護人員或警員﹗

其實呢樣嘢,就連梁烈唯自己都發覺,第一集就做患有反社會人格障礙嘅狂徒、喺鬧市用刀仔傷人;今集就做精神科醫生,有網民笑佢,呢兩年變化真大呀﹗

衰就衰在,無綫之前好貼心咁,於夜間重播《仁心解碼I》,等大家可以溫故知新。點知,就係因為《仁心I》剛播完幾日,《仁心II》就推出,結果有啲重複角色就穿晒崩﹗

有非常細心嘅網民,整咗以下呢個表。唔止主角,連綠葉王都驚人地重複﹗


邊套係《仁心I》?邊套係《仁心II》?你冇理由唔知嘅﹗

李成昌﹕
《仁心I》﹕多重人格病人
《仁心II》高級精神科醫生

梁烈唯﹕
《仁心I》﹕患有反社會人格障礙
《仁心II》﹕精神科醫生

陳國邦﹕
《仁心I》﹕前警員,患上妄想症
《仁心II》﹕見習精神科醫生

陳志健﹕
《仁心I》﹕智障人士
《仁心II》﹕患上自閉症

歐瑞偉﹕
《仁心I》﹕黑社會人士
《仁心II》﹕重案組探員

戴耀明﹕
《仁心I》﹕患上強迫症
《仁心II》﹕富二代

劉江﹕
《仁心I》﹕徐子珊爺爺
《仁心II》﹕神父

鄧英敏﹕
《仁心I》﹕邪教祭司
《仁心II》﹕醫院院長

溫裕紅﹕
《仁心I》﹕援交少女之母,孌童校長之妻
《仁心I》﹕強姦犯之妻

陳狄克﹕
《仁心I》﹕孌童管工
《仁心II》﹕黑社會老大

楊瑞麟﹕
《仁心I》﹕孌童校長
《仁心I》﹕O記高級警員


《仁心I》李成昌﹕患多重人格分裂

《仁心II》﹕李成昌﹕法醫精神科高級醫生

《仁心I》﹕梁烈唯﹕患有反社會人格障礙。

《仁心II》﹕梁烈唯﹕精神科醫生

《仁心I》﹕陳國邦﹕患有妄想症

《仁心II》﹕精神科見習醫生

《仁心I》﹕戴耀明﹕坐下者,右﹕「仁和醫院」強迫症病人。

《仁心II》﹕戴耀明﹕黑西裝同蕭正楠爭執者﹕二世祖

圖為《仁心II》劇照,今集演神父。《仁心I》係徐子珊阿爺。又同方中信對戲,但身份不同,未知兩人可感混亂?

《仁心II》,一連兩張劇照,歐瑞偉都俾人「soft」咗企喺黃智賢後面,點解呢?

同上,歐瑞偉都係俾人soft咗,又係喺黃智賢身後﹗