《仁心解碼II》大結局劇透 楊怡連環殺人狂

《仁心解碼II》有好多地方都需要大家去解碼,例如點解噚日一集李亞男去咗蔣志光屋企飲湯會無啦啦除咗黑絲,又唔知點解醫院嘅電腦得個mon但係冇主機,唔知點用。

越鬧越多人睇,《仁心II》播咗4集之嘛,已經有好多人談論,唔計第一集石天欣被姦戲份,蕭正楠嘅勁靚仔哨牙look,蒙嘉慧嘅眼鏡娘造型,都深得網民喜愛。不少網民(esp.高登仔)都驚歎﹕蒙嘉慧靚咗好多呀﹗

蒙嘉慧喺噚日一集講過﹕「想喺世界末日前,談一場有初戀感覺嘅戀愛。」咁究竟佢會戀邊個呢?好明顯就係方中信啦。佢呢個精神科顧問醫生,under方中信,家陣吓吓對著幹,之後又係嗰啲不打不相識,仲做埋好情人之類。咁真正身份係臥底嘅楊怡又點呢?介入二人關係,組成三角戀。最後……呢


《仁心解碼II》結局會係點?

(拉下去)

原來楊怡唔單止係臥底,仲係患有嚴重精神分裂,而轟動全城嘅連環兇殺案,都係佢做嘅﹗

方中信估唔到,以為自己搵到真愛,原來係個恐怖連環殺人狂;老婆徐子珊又一出場就死……都真係好陰功。幸好無綫都俾番個眼鏡娘蒙嘉慧佢,共諧連理都算係有個大團圓結局。而哨牙仔,當然抱得美人歸、同苟芸慧一齊。唔會再一次好似《法證先鋒III》咁、明明同陳茵媺好好哋、臨尾都係要佢突然死妄、搞到結局要捧住Aimee骨灰返美國,真係反高潮呀﹗

反而慘嘅係楊怡,佢幾乎近期套套劇都有病,《On call1》骨髓內有腫瘤,《仁心II》有精神分裂症,《法網狙擊》仲有乳癌。會否繼鍾嘉欣呢個無綫御用「情傷女」之後,變成「TVB御用慘情病人」?


楊怡係臥底

好狠呀…但爭啲火

眼鏡娘蒙嘉慧獲高登仔一致好評。

另一個眼鏡娘苟姑娘

方中信今集冇咗個老婆徐子珊,多咗兩個女人﹕蒙嘉慧同楊怡。

楊怡呢個look,似唔似《談情說案》嘅犀利妹?

蒙嘉慧最後情歸方中信。

原來佢就係連環兇殺案兇手﹗


嘩﹗苟姑娘好爆呀﹗

哨牙都可以「了」牙0架﹗

這些機會…唉﹗