近期無綫劇集偏重口味，尤其近幾齣劇的強姦戲成為熱門話題，即使去到緊張關頭點到即止，仍不乏捧場客支持。在前晚首播的《仁心解碼II》上，李家聲一幕強姦學生妹石天欣的戲，隨即被網民留意，事先張揚並上載了一張被姦後相片的石天欣，坦言不裸露便不介意。

以法醫精神科為背景，涉及刑事罪行的精神病患者故事為題材的《仁心解碼II》，在前晚首播，飾演電話推銷員的李家聲，驚慌地在鬧市喪跑喪叫，再走到天橋企圖跳橋自殺，被警察制伏後，發現企圖跳橋前曾經強行抱着飾演學生妹的石天欣走上天台強姦，鏡頭一轉石天欣半昏迷躺在地上，右腳小腿勾着一條白色內褲。

李家聲喺《仁心II》呢場強姦戲，夠晒露骨，亦令人勾起對《屯門色魔》回憶。(右下圖)

網友熱烈討論

《仁心II》前晚播出後，引來網友熱烈討論，雖然石天欣已經預先上載了一張被姦後的相片，但今次焦點話題反而集中在李家聲的身上，他們認為李家聲今次的演出令人眼前一亮，直言他重拾全盛時期飾演《屯門色魔》的巔峯狀態，大讚他是好戲之人，只可惜不受重用。李家聲昨日接受電話訪問，他說：「難得做演員可以喺咁嘅角度處理一個角色，我覺得好好玩同開心，如果你畀我揀要10個騷定要做一個呢啲機會，我寧願揀呢一個都唔要10個騷。」

對於網民戥家聲的星途不值，他笑說：「我係演員嚟㗎，唔係明星，呢個係一個心態問題，咁多年仲諗呢啲嘢咩！如果有好嘅角色，咪盡力做好佢囉，我覺得讚係唔應該，我係應該要做到，做唔到係你有問題，如果攞唔到分就死得。」

冇裸露就OK

石天欣接受電話訪問時亦說：「我都有睇呀，算係出番晒我哋拍晒嘅嘢，我覺得都OK，我睇到自己點樣chok親條腰。」她亦說：「佢哋搵我拍之前，都有問過我介唔介意，我都有問過尺度去到邊，如果冇裸露就OK。」

此外，《仁心解碼II》首集平均收視只有25點（約161萬觀眾），最高收視為26點（約167萬觀眾），而通訊事務管理局則表示接獲一宗投訴，指有關強姦情節意識不良、令人不安。

成個過程拍得好詳細

好逼真

石天欣一集即死

會否太畫公仔畫出腸？

wide shot

出完一次，之後斷斷續續再出多幾次同一場強姦情節。

李家聲@《屯門色魔》

李家聲@《屯門色魔》