陳茵媺懷孕後 明日首出席公開活動

陳豪同佢嘅「女皇」陳茵媺(Aimee)婚前經常孖住做情侶檔活動,反而婚後就未見兩個人一齊出席公開活動啦!不過上個月底Aimee終於返港準備喺香港生B,同老公陳豪喺香港機場十指緊扣於人前,幸福滿瀉。

而聽日,就係懷孕嘅Aimee首次出席公開活動,為BB賺定奶粉錢,佢幫一個鐘錶活動做開幕禮嘉賓。呢個鐘錶活動可以話別具意義,一來係Aimee懷孕後首次出席公開活動,而且前年佢同陳豪拍拖後,首次以情侶檔出席商品宣傳活動,就係呢個牌子喇。當日佢兩個著晒情侶裝示人,又不時情深對望冧笑,期間阿Mo仲為Aimee戴上手錶,被取笑似戴婚戒咁甜蜜。時光飛逝,依家阿Mo唔止已經為女方戴上真正婚戒,連BB都就快出世喇。

Aimee已經懷孕7個幾月,預產期係12月,臨近聖誕節,最近亦有話Aimee以500萬代言奶粉廣告,BB都未出世已經幫爸爸媽媽搵咁多錢,認真好腳頭呀!

陳茵媺懷孕後 明日首出席公開活動
左圖係今年9月,右圖係兩年前9月,真係不得不讚陳豪一句:好快手娶得美人歸!