陳茵媺短髮催運
升呢女主角

一脫成名並不是每個人都會選擇走的捷徑，陳茵媺身材驕人，卸任港姐後簽約無綫卻一直封胸，雖然有料但堅決拒絕行性感，甘心在戲棚默默耕耘，剪去一頭長髮，演女警、記者等角色，終於捱出頭來升呢做女主角！

選美出身的陳茵媺在剛播完的劇集《讀心神探》第一次做第一女主角，她循序漸進，選美、拍劇、攞飛躍女藝人獎，順理成章做女主角，需要四年，相比起陳法拉的「脫」，無疑是遲了一點，但對比多位港姐冠軍，她的成功路確是行得容易。

陳茵媺入行短短四年，做出成績已很感恩。

陳茵媺在《讀心神探》中擔正女主角，跟林保怡演兄妹。　劇照

去年陳茵媺在台慶頒獎禮中獲飛躍進步女藝員獎，演技已獲認同。

拍拖順其自然

06年港姐冠軍陳茵媺，身材甚有睇頭。

陳茵媺日前說：「我都好感恩，咁快可以做到呢個成績，所以我可以同公司講，我係唔使休息 o架！畀多啲嘢我做，我唔會攰，我會好開心！」莫非她不想拍拖，她斬釘截鐵說：「呢啲隨緣喇，順其自然囉！我都唔擔心。」
最近陳茵媺一直保持短頭髮，做個男仔頭，在《讀》劇演林保怡妹妹，經常纏住哥哥，又要嗲聲嗲氣，她說：「同之前好唔同，雖然係短頭髮，但係今次成日要嗲哥哥同媽咪、爹哋。」
短髮的陳茵媺給人爽朗的感覺，一洗她性感的味道，加上她刻意封胸，令人淡忘她天生一副好身材，她說：「其實我都冇刻意封胸，只係我覺得短頭髮好襯我性格，而呢個短頭髮都唔係因為轉型而剪，係嗰時拍第一套劇監製建議我剪，不過剪咗真係幾好，好幸運。」

陳茵媺憤青上身搞示威

陳茵媺在處境劇《天天天晴》中模仿港大女生陳巧文扮演一名「憤青」，為求扮得神似她上YouTube搜尋陳巧文的示威片段「偷師」。

陳茵媺上YouTube翻看示威片段「偷師」。

最近忙於拍《天》處境劇的陳茵媺，在劇中扮「憤青」為環保激烈抗爭，為此事前她花了不少時間上YouTube翻看港大女生陳巧文的片段偷師，她說：「角色都有難度，好有挑戰性，係做一個好激進嘅青年，成日示威表達意見，角色會同陳巧文有啲似，所以之前都喺YouTube睇咗好多佢嘅片段。」

陳茵媺放完假特別醒神。

有參加過示威

陳茵媺可有參加過遊行示威表達意見？她說：「以前喺外國讀書嗰陣都有試過參加示威，但就唔係話激進嘅，我都唔係好激進嘅人，只要表達到意見就得。」

今次拍攝《天》劇陳茵媺覺得最幸運是有機會與前輩李司棋合作，乘機學習怎樣演戲，得益不少，與前輩合作可有壓力？陳茵媺說：「都有少少o架，司棋姐演戲好勁，我成日都會諗點樣可以做得好啲。」

回多倫多充電

拍劇之前陳茵媺放了接近一個月假返多倫多探親，充電完畢整個人也容光煥發，她說：「我已經有兩年冇返過多倫多，今次返去充電見吓朋友，有啲朋友十幾年冇見，感覺好輕鬆。」