讀牙醫闖歌壇雙管齊下
許廷鏗誓擺脫吳尊

許廷鏗成功作單飛發展，他堅決要擺脫「將軍澳吳尊」的稱號，不做偶像派，向大家展現他歌唱上的實力，誓要走出自己的風格。

有「將軍澳吳尊」之稱的許廷鏗（ Alfred），因參加無綫《超級巨聲》而入行，一直人氣不俗，繼林欣彤之後，他第二個彈出作單飛發展簽約唱片公司的巨聲幫，更打算在暑假推出首張個人大碟，靚仔似吳尊有着數，何樂而不為？ Alfred對此卻感到抗拒，他坦言：「吳尊當然係靚仔，似佢唔係唔好，但靚仔畀人感覺就係偶像，我比較想人認識我嘅音樂多啲，開頭有呢個稱號，當然係可以等其他人容易認得自己，但家我希望人哋認得我係許廷鏗多啲。」

超級巨聲人才輩出，去年還進軍紅館舉行演唱會。

許廷鏗參加超級巨聲不久，因外形不俗被外界指他似吳尊（小圈）。

許廷鏗即將推出個人大碟，但他表示寧願辛苦些，也絕不會放棄牙醫課程。

想擁有自己診所

Alfred現在仍是牙醫學系學生，做牙醫是他的夢想，雖然由細到大都很喜歡唱歌，但從未有想過可以當歌手，現在機會來了，卻要在兩者中二揀一；但原來他早就計劃好自己的人生目標， Alfred說：「我一定會讀到畢業，雖然可能辛苦啲，但一定做得到，會畀 5年時間自己喺娛樂圈發展，如果成績唔理想，我會做番牙醫，想擁有自己嘅診所，家人都好支持同尊重我嘅決定。」