亞視全日狂loop兩分半鐘片 永遠懷念盛品儒

盛品儒……輕輕的揮手,仲係喺無人嘅亞視大堂,微暗燈光下,得個背影,揮手,問你驚唔驚?驚驚!但更令人驚驚嘅,仲係亞視!

唔知係新任執董雷競斌嘅意思,定係同盛品儒有親戚關係嘅主要投資者王征落嘅order。今日凌晨12點盛品儒貼完嗰張靈異相之後,亞視今日無限loop 一條好騎呢,又好感人,睇完要拎紙巾抹眼淚嘅片,長近兩分半鐘。一小時,loop四次。Loop咗成日。

睇下條片講乜先,先嚟係配上許美靜舊歌《陽光總在風雨後》,畫面就係亞視56周年台慶、眾藝人齊集睇亞視升旗…然後disslove推出盛品儒大頭,在台上侃侃而談…跟住就係一連串盛品儒舊片:上台唱歌、接受感謝狀、就亞視新聞誤報江澤民死訊而於立法會上鞠躬道歉,咁啱唱到嗰句嘅歌詞係「要勇敢的抬頭」。

然後又重播,去年55周年台慶放煙花,大家拍爛手掌嘅片段,亞洲先生小姐載歌載舞,當然包括去北京舉行嗰場馬拉松悶到抽筋台慶,咁,當然唔會播藝人向空凳掟壽包嗰一幕啦。

之後,畫面就變成亞洲先生、亞姐小姐選舉、不同的簽約合作儀式……咪住咪住,點解主角唔係盛品儒,而係王征嘅?究竟呢條片想點?完全唔明。最搞笑都係,條片仲剪輯咗王征嘅慷慨陳辭:「這兩年,我確實,也為亞視擋掉了不少明槍暗箭…」未完0架,一眾「愛」字頭「網民」發動撐亞視嘅片,都有出0架,不過就要blur咗「愛」字頭logo。

仍然摸不著頭腦,唔知成條片究竟想點。說時遲那時快,畫面彈出盛品儒一張靚他相,並播出盛品儒宣佈辭職當日,亞洲會發聲明內容: 「三年多來,您帶領亞洲電視走良心路線,為正能量發聲,成績有目共睹。而今,您又為亞視犧牲小我,成就大我。萬分感謝您一直以來的無私奉獻,亞洲會永遠支持您。」署名係「亞洲會」。

亞視全日狂loop兩分半鐘片 永遠懷念盛品儒
亞視今日無限loop同一條片,疑似永懷盛品儒,但條片,係以亞洲會名義,唔係亞視。以下截圖為影片內容。

亞視全日狂loop兩分半鐘片 永遠懷念盛品儒
先嚟盛品儒
亞視全日狂loop兩分半鐘片 永遠懷念盛品儒
盛品儒
亞視全日狂loop兩分半鐘片 永遠懷念盛品儒
盛品儒道歉…冇喇。

去年台慶

亞姐選舉

王征

跟住,又係王征。

點解唔係「死」字logo?

都係王征,盛品儒呢?

王征

王征起舞

blur晒logo表現出「持平」一面。


「網民」

盛品儒

盛品儒


永遠懷念你

冇錯喇,重點係,呢個廣告,係亞洲會0架,又係唔關亞視事0架。即係好似上兩次政總集會咁,都係亞洲會搞,唔係亞視搞0架,咁咪唔會違反電視節目守則囉。

問題係,究竟呢條兩分幾鐘嘅片,係想永遠懷念盛品儒,定係神化王征?觀眾有冇一刻錯以為自己去咗北韓?