崔建邦復工望志偉留口
因涉打女友鄺敏慧而惹官非的崔建邦，甩難後首度復工，為無綫遊戲節目做嘉賓，他坦言是師傅曾志偉親自邀請他，令他感動又開心！
Amigo九十度鞠躬，獲大家掌聲鼓勵。
崔建邦（Amigo）、羅凱珊（Kama）、「動漫Maggie」李曼筠及徐天佑等昨晚錄影《超級遊戲獎門人》，重踏無綫復工的Amigo明顯心情大靚，更主動上前與記者做訪問，他說：「之前只係返過嚟做《東張西望》訪問，正式做節目係第一次，之後會陸續上無綫節目。（百感交集？）係，不過係感動嘅感，返嚟見到好多朋友、同事，同師傅（志偉）一齊做節目好開心！（叫佢口下留情？）有，不過完全被漠視，佢話睇吓點喎！」對於被指經濟欠佳，要換車換樓，他竟說：「我睇到報道好鍾意，寫到我冇晒氣燄，好踏實！」期間，無綫高層何麗全在電視城碰見他，亦拍一拍他以示鼓勵。
至於身材驕人的李曼筠，自稱平日很少做運動，笑言跑多兩步已致命，問到會否擔心玩「爆波波」時整親上圍，她說：「都冇嘢整到，不過想加兩粒釘，啲波易爆啲！」而Kama亦表示不怕整親心口，談及今年不推出寫真集，她說：「公司都想我出，但我突破唔到自己，又唔想露點。」不過，二人玩遊戲時逃不過衣衫不整的命運，上下失守。
由於衣着密實，李曼筠放鬆戒備，豪邁俯身。
李曼筠玩到面容扭曲，落地後衣衫不整。
Kama不顧儀態伸手入衣服內抹Cream！
另外，徐又佑被追問黃又南代父還債一事，他說：「佢有同我提過屋企嘅煩事，佢冇賭波，好孝順，亦冇問我借錢，佢知我冇多餘錢借畀佢！」
「師傅」志偉（左）親自邀請Amigo上節目，令他十分感動！
崔建邦重返無線預咗被玩
陳志雲愛將崔建邦，自毆打前女友鄺敏慧惹上官非後，昨晚首度應曾志偉邀請，到無線出席遊戲節目《超級遊戲獎門人》。他自言百感交雜，是感動的「感」，因為好開心能再上節目。他透露之前亦有叫志偉等人口下留情，但眾人沒有應允，只有志偉指會視乎情況，但已有心理準備被玩。
談到未來的工作，崔建邦表示無論無線及其他工作，亦陸續有來。至於被指為「志雲黨」唯一留在無線的成員，他說：「不要這樣說，一向也OK的，事件令他學懂珍惜，如工作、朋友及家人。」至於有報道指他買車又買樓，他直言好鍾意那篇新聞，笑指駕Mini Copper也很好啊！
另外，一同出席獎門人的o靚模Kama（羅凱珊）表示，今年與公司未達共識，不會推出寫真集。她說：「公司想我有突破。（全裸？）不是。（露點？）又未到，要按著乳暈拍攝。」同場的徐天佑則力撐好友黃又南，沒有因賭波而欠債。
■崔建邦現身志偉主持的《獎門人》。
■Kama、杜汶澤與王祖藍任《獎門人》嘉賓。