白龍王周欽南上周六逝世，愛徒之一劉德華今朝早抵達芭堤雅向白龍王拜別，導演劉偉強亦再度現身。
華仔一身白衣素服喺當地時間今早約10點半現身白龍王廟，同白龍王遺孀相擁問候，然後獲引領到白龍王棺木前合十跪拜，華仔神情傷感，之後白龍女細女Pet等人前來與華仔合照。
華仔留喺廟內陪伴白龍王遺孀家眷用膳，佢仲同Pet囝囝玩，又喺Pet同白龍王弟子盧師兄白衣上面簽名，甚為開心，將大家嘅哀傷情緒暫緩。
華仔透露因為有工作在身，未能喺下月1日送別白龍王，佢話：「師傅好似父親，感覺好親近嘅人。」問到白龍王有咩教誨，華仔話：「食慢啲，好難呢個動作。」
華仔今早往芭堤雅拜別白龍王。
華仔在Pet的衣服上簽名。
華仔跪拜
吻別白龍王太太
