滕麗名師奶出巡眼紅紅
滕麗名與李璨琛（Sam）日前於深水埗拍外景，紮髻上陣的阿滕扮師奶非常神似，惜前一晚不夠瞓，導致雙眼通紅。她坦言不介意演此類角色，更自稱形象百變，不擔心被定型。
「露宿者」祝文君突然拉着滕麗名，嚇得滕麗名手足無措。
阿滕、Sam及祝文君日前為劇集《怒火街頭》拍攝 。劇情講述飾演社工的Sam與露宿者祝文君追逐，殊不知撞到阿滕。以師奶look示人的阿滕，被問怕不怕演此類角色會定型，她說：「吓？唔會啩？呢排啲角色都百變，之前做人阿媽、跟住又做整容大波妹，我演嘅sexy baby超級deep V，條事業線由頭落到尾。」
阿滕坦言之前休息了一個月，前晚怕不知醒，故緊張致失眠，滿眼紅筋。問她與Sam合作如何？她笑言：「今日第二日啫！之前都未同佢合作過，但係我已經『導』咗佢玩微博，真係幾好玩，又可以同唔同的人溝通傾偈。」
李璨琛於劇中飾演社工。
李璨琛習慣拍劇
Sam表示拍電影雖然較電視劇舒服，但自己亦習慣，早起對他來說絕沒難度。形象反叛的他，坦言未試過被社工輔導，他說:「不過有個做社工嘅朋友，主要幫啲有問題嘅年輕人，呢個劇本我好鍾意。（會唔會再拍劇？）拍完先啦！要睇角色同古仔。」
此外，祝文君的露宿者裝扮相當逼真，現場有師奶拖着女兒行過都嚇了一驚。不過大熱天時要跑來跑去，文君汗流浹背，相當辛苦。
滕麗名咪神變師奶
戲路甚廣的滕麗名，早前飾演整容咪神，最近在新劇中卻洗盡鉛華演師奶， 與李璨琛有不少對手戲。
李璨琛（Sam）、滕麗名與祝文君早前在深水埗拍攝劇集《怒火街頭》，劇情講述飾演社工的Sam與飾演露宿者的祝文君追逐，與阿滕撞到正！阿滕在劇中演師奶，問到會否擔心從此被定型，她說：「唔會啩！近來做啲角色都好唔同，之前做人阿媽，跟住又做整容大波妹，我演嘅Sexy Baby超級Deep V，事業線由頭落到尾o架！」
劇情講述Sam與祝文君在街上追逐，不慎撞到阿滕。
阿滕與Sam首度合作已玩得很埋，十分投契。
李璨琛習慣早起
至於Sam則表示，外景接廠景拍攝雖辛苦，但他已習慣：「雖然拍戲舒服過拍劇，但都OK，早起對我嚟講問題不大，而且呢個角色同劇本我都好鍾意。（會唔會再拍劇？）拍完呢套先啦！要視乎劇本同角色。」問到當年反叛時有否接受社工輔導，他說：「咁又未，不過有個做社工嘅朋友，主要幫啲有問題嘅年輕人，而我喺劇入面嘅角色，無論露宿者、妓女或阿婆都會幫。」而祝文君的露宿者造型十分神似，她笑言去廁所時，一名拖着囡囡的師奶被她嚇一跳。
影視組
飾演露宿者的祝文君（右），與阿滕在街上拉扯，效果逼真！