42歲嘅張慧儀、40歲葉蘊儀、47歲李麗珍同埋話自己絕對唔係39歲嘅李若彤，平均年齡係42歲，今日齊玩重口味，以學生妹造型拍攝無綫新劇《M Club》(前名《Aerobic Girls》)中一幕拍廣告的戲份，穿上校服但濃妝艷抹，珍妹更加喺面珠加料，撲上濃厚桃紅胭脂，略帶蝦碌。至於葉蘊儀戴上假髮後臉蛋圓圓，跟朱咪咪實在驚似！

左起：葉蘊儀、張慧儀、李若彤同李麗珍，邊個最靚？

47歲嘅李麗珍

40歲嘅葉蘊儀

42歲嘅張慧儀

唔係39歲嘅李若彤

珍妹、李若彤夾晒口供 否認不和

李若彤同珍妹李麗珍拍攝無綫新劇《M Club》後，即傳出爭戲份爭做女主角鬧不和，今日兩女一返將軍澳電視廣播城開工，兩人同聲表示夾咗口供。李若彤話：「講咩你哋都有得寫，開工後已講過唔會理呢啲事非，有嘢又點會同珍妹有商有量？好彩大家都攞出嚟講，唔係就中計。」

珍妹就話：「從來唔爭排名同靚，劇本亦寫好哂，好難爭，最好係班後生做得好啲。」之後傳媒要求兩人合照，李若彤即笑笑口拉住珍妹說：「嚟啦，佢哋好煩呀。」

此外，珍妹透露女兒月底會去外國留學，慨嘆：「好唔捨得，加埋要去7年，做單親媽咪真係辛苦。」

李若彤同珍妹今日姊妹情深咁齊聲否認不和傳聞。

交足戲，夠專業

行住傾