袁詠儀講「被包」：我唔明乜嘢係包！

性格坦白嘅袁詠儀靚靚，07年接受《志雲飯局》訪問時，曾表示做過第三者，與有婦之夫交往。後來袁詠儀受訪時，再解釋謂:「嗰陣我唔覺得係被照顧、被包嘅關係。我哋經歷追求、拍拖、同居、鬧交、分手。佢追我，有齊過程，係一對情侶。如果被包，應該冇權嗌交，service嚟嘛。」而今日喺黎芷珊主持的《最佳女主角》節目記招上，播出靚靚嘅片段，片中佢就話:「我真係覺得係男女關係拍拖，唔知俾人包嘅感覺。」、「我唔明乜嘢係包」咁嘅說話，但始終冇講到「佢」，到底係邊個。

張智霖：最遺憾未能更早保護佢

今晚張智霖去麗思卡爾頓酒店出席腕錶品牌晚宴，被問到可有留意太太喺《最佳女主角》嘅回答片段，佢就話今日都有睇0依篇報道，佢仲好sweet咁講：「佢（靚靚）嘅回答，係講緊一般正常關係。如果真係發生過一啲唔開心嘅事情，最遺憾就係，我唔能夠更加早去認識佢、唔能夠更加早去保護佢。我唔係乜嘢新鮮蘿蔔皮，唔係聖人，點要求人完美。」如果靚靚聴到0依一番說話一定會開心到留眼淚啦！

再問Chi Lam會唔會介意太太嘅過去，佢就話：「唔會介意，每個人都有過去，更加珍惜對方，無事不可對人言，過去重要，建構人生，唔可以抹殺。」

袁詠儀喺《最佳女主角》首映片段入面話「我唔明乜嘢係包。」

Chi Lam同靚靚經常以情侶檔姿態出席活動，有影皆雙。