黃耀明同何韻詩嘅大愛同盟推出新書《大愛同誌》，為咗爭取同志平權宣揚大愛精神，明哥同阿詩搵咗影帝影后黃秋生及周迅，赤膊拍海報「ALL4LOVE·同為愛」，並由夏永康操刀拍攝。

明哥同秋生赤膊相擁，兩人臉上仲畫咗LOVE彩繪；至於阿詩同周迅扮咀嘴，阿詩嘴角仲寫住「Love」扮鬚，周迅亦喺香肩黐咗彩貼，兩人親密依偎，宣揚愛冇性別之限。

對於邀來秋生拍海報，明哥大感興奮，仲話唔使warm up，因為秋生帶咗佢入戲，明哥又笑言逼秋生扮基。而秋生今次扮基撐同志，佢搞笑話：「你點知我係直？捐出我第一次畀明哥，好多人都等住。」

明哥同阿詩搵嚟秋生及周迅拍海報，宣揚大愛精神。

明哥笑言逼秋生扮基。

阿詩及周迅獲讚係美女組合。