《名媛望族》開續集 有意拍三部曲

《名媛望族》有傳將開拍續集,監製莊偉健早前接受內地媒體訪問時自爆原來《名》劇只是三部曲之一。第一部已經完,第二部的故事背景是戰亂時代,講鍾家成頭家散晒之後,回來「重建家園」;第三部,以2012年金融風暴做背景;故事有「延續性」,重心都是鍾家的人。

楊怡被問到《名》劇可能會有其餘的兩部曲,她說:「我冇聽過,明白劇集收得先會添食,但希望唔係續集囉。(擔心步《金枝慾孽》後塵?)我都冇睇,日日都開工。我只係想個故事從新開始啫,如果原班人馬演出好有睇頭。」記者聯絡《名》劇監製莊偉健,他說:「三部曲構思其實一早有,但後兩部曲未同無綫傾過嘅。(有意拍?)考慮吓,都擔心未能原班人馬。後兩部曲需要好有演技嘅演員先適合和應付到。」對於有網民建議鄭少秋和趙雅芝演出,他說:「芝姐同秋官咁難請,有就梗係好啦。」