蒙嘉慧撞車驚青
伊健呵番

蒙嘉慧（ YoYo）前晚與陳展鵬在馬鞍山拍無綫劇集《 ATF反恐》，日前 YoYo在觀塘警署門外發生交通意外，今次她改坐的士往場地開工，問到當日的事發經過，她說：「詳情唔係好方便講，嗰日意外之後唔想影響其他人，所以警察先了解咗，遲幾日先再去警局落口供。」

 

蒙嘉慧重提交通意外猶有餘悸，她坦言暫時以的士代步。

身在內地工作的鄭伊健獲悉女友撞車，即時以電話慰問女友。資料圖片

陳展鵬被外間一致睇好有望攞獎，而他也有信心繼續有監製安排工作。

「第一次吹波波」

YoYo笑說：「今次係我人生第一次吹波波，香港係一個好衞生嘅城市，吹波波嘅過程完全唔經人手，不過點都好，最緊要個人冇事。」意外後 YoYo有通知在內地工作的男友鄭伊健，問到男友的反應？ YoYo說：「佢梗係要好冷靜，因為我好震驚，以前未發生過呢啲事，點都有啲徬徨，而且我亦唔知應該點處理。」 YoYo更不諱言暫時會以的士代步，她說：「其實多少都會有陰影，加上架車撞花咗又要整，所以咪唔揸住。」

陳展鵬充滿信心

同場的陳展鵬化妝至滿面傷痕，原來前晚劇情指他在雨中被人脅持，蒙嘉慧親眼目睹他被人殺死，展鵬說：「最後係生定死梗係要賣個關子，不過 7月拍呢啲場面，加上呢部戲又有好多小意外，所以都會拜吓神。今次呢部戲有好多動作場面，淨係爆破起碼有四個場口。」至於被看好在頒獎禮有望得獎，他笑說：「我嘅心態係希望拍多啲自己鍾意嘅劇，我有信心繼續有監製搵我做嘢。」