「王祖藍」參選亞洲小姐 祖藍舅父倍感親切

亞視唔使釘牌,所以《ATV 2013亞洲小姐競選》繼續招募,不過今日就冇盛品儒同葉家寶啦,換成亞視.中國董事長金華、助理副總裁(製作)冼偉智等,仲有前亞姐許瑩、顏子菲、亞洲先生黃集鋒、徐丁。

至於今日面試嘅亞姐…真係燕瘦環肥乜都有,總有一款啱你心水,最令人印象深刻,都可以話係16號蕭翠婷,因為佢個樣似足王祖藍,連在場嘅祖藍舅父冼偉智(無錯佢係亞視高層)都忍唔住話:「見你好親切,我噚晚至同祖藍食飯。」

蕭翠婷又好似幾玩得,問佢被指似祖藍有冇唔開心?佢話:「沒有不開心,因王祖藍扮女人很漂亮。」佢亦唔介意許瑩批評佢髮型同化妝,認為係受關注,講到佢眼睫毛都甩埋,蕭翠婷話:「是這樣的!我覺得自己不怯場,皮膚白,說話知輕重,有信心入圍!」哪裡來的自信呀!

另外參選者都不乏「極品」,15號張少秀面色蒼白似足冇化妝,17號羅慧玲似足醜版Brenda林兆霞,19號姚安妮隻眼化到好奇怪,20號吳月瑩一排黃牙十分礙眼。

同完女版祖藍蕭翠婷合照嘅冼偉智話:「未有詳細篩選,十二月總決賽,最細16歲,維持16至25歲,太大太細未決定會否俾佢入圍。」改賽制係學無綫?佢話:「今年廿五周年,有大改革,會加強娛樂性,但賣關子先。」

「王祖藍」參選以亞洲小姐 祖藍舅父倍感親切
小姐….你哋真係嚟參加亞姐?

小姐你唔多精神咁…使唔使抖抖先?

一個轉身….射個三分波先…
16號蕭翠婷
16號蕭翠婷好親切

我哋係咪睇緊無綫?做緊《福祿壽》呀?

呀….呢位小姐相當有自信
17號羅慧玲
佢係17號羅慧玲,係咪殺死人?

呢位19號姚安妮遠睇都…..ok嘅

近睇…隻眼….做咩事

20號吳月瑩不如漂吓棚牙先嚟參選…..

呢一組……可以講咩…
「王祖藍」參選以亞洲小姐 祖藍舅父冼偉智倍感親切
祖藍舅父冼偉智好似同世侄女合照咁…幾親切呀…..