亞視翻拍《天蠶變》徐少強兒子徐偉棟重演雲飛揚

已經N年冇開電視劇嘅亞視,月前曾經話過今年想開劇。原來亞視今次唔係齋吹水,佢哋真係同緊內地單位傾合作,翻拍徐少強79年幫亞視前身麗的電視主演嘅經典劇《天蠶變》,仲打算搵徐少強同雪梨生嘅仔徐偉棟主演,扮番佢老竇當年雲飛揚個角色,聽落都幾有噱頭。

邀楊恭如出山

噚日向亞視高級副總裁葉家寶求證,佢承認翻拍《天蠶變》,佢話:「今年影視博覽有內地製作人睇到亞視有好多經典劇想重拍,特別係《天蠶變》好感興趣,我哋會兩邊合作,內地取景,劇本會根據原來劇本作少少修訂,兩地派演員參與。有製作人就建議搵徐少強個仔做雲飛揚。」葉家寶話女演員方面有意搵亞姐出身嘅楊恭如同許瑩喎。

亞視計劃搵徐少強個仔徐偉棟翻拍《天蠶變》,飾演佢老竇以前主演嘅雲飛揚角色。資料圖片
■亞視計劃搵徐少強個仔徐偉棟翻拍《天蠶變》,飾演佢老竇以前主演嘅雲飛揚角色。資料圖片

徐少強(右)個仔徐偉棟(左)09年入娛樂圈,囡囡徐穎堃舊年參選華姐,但10強不入
■徐少強(右)個仔徐偉棟(左)09年入娛樂圈,囡囡徐穎堃舊年參選華姐,但10強不入。微博圖片

許瑩身手唔錯,難怪亞視開武俠劇預佢一份。資料圖片
■許瑩身手唔錯,難怪亞視開武俠劇預佢一份。資料圖片

亞視想搵楊恭如拍新《天蠶變》。
■亞視想搵楊恭如拍新《天蠶變》。資料圖片

當年《天蠶變》除咗徐少強之外,仲有苗可秀、馬敏兒、余安安同伍衛國主演,呢部60集長劇當年一出街已經好受歡迎,徐少強更加憑呢部劇一炮而紅。

但亦因為徐少強爆紅,好多電影公司搵佢開戲,佢竟然喺《天蠶變》邊拍邊出街期間玩失蹤,搞到麗的一鑊泡,結果換咗顧冠忠頂替佢個角色,話雲飛揚練成天蠶神功之後,破繭而出容貌大變,由徐少強變成顧冠忠,呢件事喺當年娛圈真係好轟動。

亞視準備翻拍《天蠶變》,當年徐少強拍拍吓玩失蹤,最後由顧冠忠頂上。
■亞視準備翻拍《天蠶變》,當年徐少強拍拍吓玩失蹤,最後由顧冠忠頂上。

顧冠忠
顧冠忠