亞視絕地大反撲 迫令全台員工政總請願

剛遭罰款的亞洲電視,繼被諷為「儍的嗎」關注香港未來活動惹全城公憤後,明天再闖政總「請願」。活動聲稱由亞洲會發起,據悉全台員工被要求請假參與;王征未必現身,但被通訊局點名「冇得留低」的盛品儒,則會領唱電視劇《大俠霍元甲》主題曲《萬里長城永不倒》撐亞視。立法會議員批評亞視「死不悔改」。警方證實昨接獲團體通知明午在政總集會。

通訊局要求亞視執行董事盛品儒下月2日前辭職等規定,亞視至今未以行動回應,但與其關係密切的亞洲會卻發起明日下午3時至4時到政總「和平請願」。據知,亞視下令全體職員要集體出席,但需請假不當工作,藝人也不會有騷錢。王征不會現身,但盛品儒將壓軸上台致詞,率領員工合唱幾乎是亞視「台歌」的《萬里長城永不倒》:「歷來強盜要侵入,最終必送命。」亞視不會直播請願,但剪輯後會在當晚7時35分本港台的《星動亞洲》節目中播出。

亞洲會會長魏秋樺回應稱:「係就判決內容想和平講出我哋心聲,亞視面臨好多困難,希望為亞視盡一分力。」多名亞視職員收到亞洲會短訊呼籲參與,集合地點在亞視化妝間,「即係邊個唔去,大家都知啦」。立法會議員李卓人批評亞視有強迫員工參與之嫌,而且活動顯示亞視不滿通訊局裁判,「死不悔改」。

ATV大反撲 迫令員工 明日政總請願
ATV大反撲 迫令員工 明日政總請願。歷史重演咁得人驚?


亞視幕前幕後昨大多收到亞洲會短訊,呼籲明日到政總請願。讀者提供WhatsApp 王征疑以視像會議操控

有讀者則報料,指王征疑透過視像會議跟亞視高層開會,繼續操控亞視。據悉王征雖已極少現身亞視,但改以視像跟盛品儒、高級副總裁雷競斌、高級副總裁葉家寶和助理副總裁冼偉智等開會。冼偉智昨稱不回應。

前亞姐朱慧珊稱未收到通知,但會出席支持:「支持電視台係因為亞視仲有800幾個員工,為咗咁多人嘅生計都想電視台繼續健康營運落去。」亞視未有回應。

對於王征疑仍然操控亞視,通訊局指若亞視繼續容許他干預運作,可以向亞視罰款,甚至撤銷牌照。亞視去年直播節目《關注香港未來》反發牌,涉嫌公器私用,通訊局接獲2,200宗投訴,亞視終被罰款收場。

員工心聲:「咁點算呀我?我咪要轉行囉?」

自從通訊事務管理局向亞視發出最後通牒、而亞視又好似唔肯讓步咁(被管理局勒令要炒嘅執董盛品儒更揚言戰鬥到最後一刻)。咁搞法,亞視真係分分針釘牌,一眾亞視藝人同員工又點睇?

蔡國威:有睇新聞,今日(噚日)返到嚟係簽新約。(驚簽唔到?)應該唔會,之前已經批咗份約,9月1號開始。(擔唔擔心?)唔太,否則都唔會簽啦。藝人只要做好本份。(唔驚俾政府收番個牌?)唔會啩,罰一百萬唔怕冇糧出,有勞工法例,而且最近好似冇拖糧。

林紫君:唔知盛品儒要辭職,冇睇新聞喎,咁點算呀我?我都唔知講乜好,我咪要轉行囉?依家我仍然係星期一同星期三返學,冇乜嘢做(亞姐都冇份宣傳?)公司唔搵啫。

亞洲之子亢帥克:我有睇新聞,(擔唔擔心?)唔希望吊銷牌照,有千幾員工等開飯。(有冇了解件事?)冇乜點了解,等開飯。(盛品儒被勒令辭職喎)唔希望囉,(唔走會釘牌喎!)咁嚴重?到時至算,仲有半年約。續唔續就要考慮下。

蔡國威(左圖)與亞洲之子亢帥克。
蔡國威(左圖)與亞洲之子亢帥克。