300萬人捧《義海》結局 ATV零收視

發哥睇好阿佘雯女后勁凌厲

周潤發昨日出席英皇電影《讓子彈飛》香港記者會,席間,「估神」上身的他表示,看好佘詩曼及鄧萃雯爭視后!據知,身在無錫拍劇的阿佘正努力度期出席頒獎禮:「幾辛苦都要返香港!」

英皇電影投資一億五千萬港元、影帝周潤發、姜文及葛優等主演的電影《讓子彈飛》,昨日舉行盛大記者會,偕太太陳薈蓮赴會的發哥以戲中的西裝造型亮相,吸引半百傳媒採訪,場面熱鬧!向來是「電視精」兼「估神」的發哥,除了大談拍戲趣事外,又認同今年視后是佘詩曼與鄧萃雯之爭:「都係阿佘同雯女兩個爭啦!(如果要你揀一個?)冇得揀呀!咁揀鄭裕玲啦!」至於視帝誰屬,影帝發哥卻「反高潮」力捧老友兼金像影帝鄭則士,而非大熱「劉醒」黎耀祥:「我前晚睇《義海豪情》大結局,仲將『醒哥』記錯咗係『柴九』!(林峯呢?)咪似麥包囉!」對於黃日華早前炮轟無綫「大細超」,他說:「佢鬧TVB我睇唔到,我只係讚TVB!」司儀嘟姐即打蛇隨棍上,邀他回巢拍劇,發哥笑說:「你返我咪返囉!不過唔知會唔會叫我一年簽一個騷喎,係就唔知點算!」

阿佘度期返港

其實外界一致認為今年視后屬雯女與阿佘之爭,有傳陳志雲回歸增添雯女及祥仔的勝算,加上阿佘曾揚言因在內地拍劇而缺席頒獎禮,令雯女「后」勁更凌厲!不過,雖然《公主嫁到》大結局收視不及《義》劇,但整體平均收視卻比《義》劇多出4萬觀眾,據知阿佘得悉《公》劇平均收視撼贏《義》劇後,即度期返港應戰:「我依家喺無錫拍緊《帶刀女捕快》,呢套劇好趕,就算我返到嚟都要即日來回,但咁辛苦我都好想返嚟,因為有提名好想參與!(勝算高咗?)冇玄機o架!未到頒獎禮一刻都唔會知,我希望《公》劇攞『最佳劇集』!」

雯女改爭「飛躍進步」

至於昨日拍攝健康食品廣告的雯女,對於獲發哥睇好大表感激:「其實我信心不嬲大!我覺得可以攞飛躍進步獎,因為個角色難度好高!(平均收視唔夠《公》劇勁,擔心攞唔到『最佳劇集』?)劇種唔同,唔好以用收視定輸贏!」

問到若要在雯女跟阿佘中二揀一,發哥即笑言:「咁揀鄭裕玲」,笑爆全場!

拍廣告搵真銀的雯女表示,待頒獎禮後才與祥仔請《義》劇台前幕後食飯。

有獎攞梗係仆返嚟!
身在內地拍劇的阿佘,度期返港出席頒獎禮。(資料圖片及設計對白)

嘟嘟與發哥闊別七年,難怪甫見面即咬耳仔兼攬攬。

收視破紀錄撻Q 祥仔失望唔開續集

台慶劇《義海豪情》前晚播出大結局,單以大結局而言,《義》劇平均收視44點,最高達47點,較《公主嫁到》大結局的平均42點、最高44點收視高;而《公》劇總收看人次為214萬6千,《義》劇則略為輸蝕,只得210萬7千人次。為答謝《義》劇台前幕後,無綫副行政主席梁乃鵬定於下月7日在電視城設慶功宴。

「劉醒」黎耀祥對《義》劇未能打破《大長今》的50點收視紀錄感失望,問到可會實踐承諾將名字倒轉寫?他笑說:「點寫都冇所謂!靈魂人物(編審)都過咗檔,相信唔會開第三集!」至於曾揚言破紀錄不果便「執牛屎」的監製李添勝亦笑說:「唔使執啦!美中不足係未能返內地取景!(開第三集還願?)唔喇!留畀第二個監製做!(犯駁位多?)唔好吹毛求疵!祥仔支槍開極都有子彈一幕,西片都成日有啦,唔通停低換子彈!(高層過咗頒獎禮先請食飯影響得獎機會?)老細啲期要度!總之睇好雯女同祥仔!」

看畢結局後,雯女(中)與胡定欣相擁而泣,場面感人。

第一頁:300萬人捧《義海》結局 ATV零收視
第二頁:無綫2010年十大高收視劇集
第三頁:《義海》唔夠《公主》揮 阿佘封后有望度期返港