《ATV2013亞洲小姐競選》今晚喺亞視大埔總台舉行，24位來自俄羅斯、美國、印度、新加坡及內地嘅佳麗經多輪考驗，最終由來自遼寧21歲學生房星彤封后，成為新一屆亞洲小姐，至於亞軍是16歲吉爾吉斯佳麗蘭娜董素娃，兼得最上鏡小姐及美腿小姐大獎，成三料得主；季軍是21歲烏魯木齊陳夢圓，她亦兼得完美體態大獎，友誼小姐則為紐約佳麗劉亞男。

今年大會增設嘅多個「巧立名目」獎項，全部名目都有「大會指定贊助商」個名喺前面，包括非常騎呢且難以理解嘅「核桃露最具智慧大獎」、「XXXX(牌子名)鞋業總部基地亞洲美腿小姐大獎」等等等等，令人失笑。

呢11個古怪獎項，唔係人人有份，但都可以話係「太公分豬肉」，四川王錦睿奪時尚風采大獎、浙江楊倩倩得最具智慧大獎、河北韓雪蓮成亞洲女性魅力大獎得主、17歲四川陳儷丹奪最燦爛笑容大獎。皆大歡喜。

冠軍11號房星彤

亞軍21號蘭娜 董素娃

季軍8號陳夢圓