首播日期: 2013.06.10

香港地女多男少，表面上男士們不愁沒對象，然而不少香港男生缺點多多、擇偶要求苛刻；或是過度專注工作、生活圈子狹窄等等，產生大量「剩男」，等待著心中「女神」出現。「剩男」當中有不少個人條件不俗，堪稱「盛男」；亦有因性格缺憾被冠以「電車男」、「宅男」等名號，但何以同樣乏人問津？歸根究柢，外形不修邊幅、欠缺溝通技巧、不願花時間了解女生心思，可謂「港男」通病。繼去年的《盛女愛作戰》後，TVB再接再勵，關注「港女」、「港男」的終身大事，製作全新節目《求愛大作戰》！

今次男女身份大逆轉，節目率先在交友平台物色五位在男士們公認為「最佳女友」的「平民女神」，再透過公開招募，網羅各具風格、特質的求愛「盛男」，當中有高薪厚職「事業男」、有外國留學的「竹升仔」、有性格被動的「怕羞男」、有任勞任怨的「觀音兵」等等，經過嚴格的面試輪選，只有八位條件優厚的求愛「鑽石男」脫穎而出，在六個月內接受專家指導、改造，出盡混身解數，務求贏得「女神」的歡心。

一連15集的求愛真人Show，由「美容達人」陳莉敏（Queenie）連同多位形象指導、「人生教練」擔任節目評審兼導師。八位「鑽石男」將以淘汰形式競賽。第一階段，由五位「平民女神」先行評分，率先淘汰兩位參賽者。第二階段，過關的六位「鑽石男」接受形象指導及「人生教練」大改造，其中兩位改造失敗者再被無情「叮走」。最後晉級四強的「鑽石男」，會與四位「女神」同遊印尼，互相深入了解，到底能否打動「女神」芳心？還看四位「鑽石男」施展魅力！節目真實呈現都會男女的愛情攻防戰，造就「港女」、「港男」面對面溝通機會，增進了解，消除隔膜，早日覓得愜意歸宿！

【圖輯】《求愛大作戰》處男參賽 唔係啩？

無綫去年播出《盛女愛作戰》，大旺收場，今年食住個勢推出盛男版《求愛大作戰》，繼續俾大家「驚」喜。

今日八男五女參賽者於尖沙嘴出席宣傳活動，節目監製余詠珊表示參賽者都係精挑細選，睇相都已經覺得係見仁見智，現場睇更明顯只係一般，但余詠珊就撐話：「呢個唔係選美節目，唔係搵靚仔靚女做配對，節目睇落去會有戲劇效果。」

其中一位男參賽者心口標到明係「廿八歲處男」，雖然現場睇佢唔止呢個歲數，but anyways，會否都擔心投訴被標籤？余詠珊又話：「佢話佢係，好難肯定，大家當係花名。呢個係一個真人show，希望觀眾唔好雞蛋挑骨頭。」

自稱處男嘅參賽者Thomas表示，好後悔當初報稱處男，問埋佢配對對佢有冇幫助？佢話：「唔係一件幫到我嘅事，亦都唔係阻礙我嘅事。」即係點呀？

幾位喺《盛女愛作戰》作戰過嘅盛女好似Suki同佢現任男友、Mandy都有到場，尤其Suki好似又靚咗喇，唔知八位盛男有邊個好似Suki咁搵到發情呢？

Thomas，28歲，話自己係處男，大家信唔信？

《求愛大作戰》女參加者，今次大把人追。

余詠珊叫大家唔好雞蛋挑骨頭喎，《求愛大作戰》係真人騷，唔係睇靚仔靚女。

《盛女》都有嚟。