《激戰》開畫5日破千萬 張家輝潛入戲院被鬧黐線

張家輝主演嘅《激戰》開畫5日,已經大收過千萬票房,擊敗《一代宗師》、《西遊‧降魔篇》、《飛虎出征》等,成為今年開畫票房冠軍。

張家輝同導演林超賢、歐錦棠、陳嘉輝、梁小冰等噚晚喺尖沙咀舉行慶功宴,家輝喺台上話﹕「《那些年,我們一起追的女孩》成為香港華語片票房冠軍,我都以此為目標!」事後家輝表示好興奮,有影評人預測《激》片可橫掃各頒獎禮獎項,問佢會否感到壓力?佢話﹕「獎好難預料,唔同評審地區都有唔同眼光同規例,大家鍾意就滿足。」佢自爆林超賢曾半開玩笑式指該片會參加「奧斯卡外語片」,佢笑言﹕「都唔知真定假,我咪話不如去火星新增個獎啦,報名由發生商決定!」

有指家輝患抑鬱,經常同太太關詠荷爭執搞到要分房瞓,佢就否認﹕「好奇怪,即刻諗自己有冇剩係着底褲周圍行,可能去廁所都知。我同太太覺得咪當笑話囉。」佢話早前已經同太太喬裝到戲院睇片,仲帶定紙巾預佢喊,佢話﹕「散場問佢遞紙巾位係咪好準繩?佢話一早喊咗啦。」稍後佢亦會再去旺角睇觀眾反應,佢話﹕「之前聽個女仔同男友講,張家輝痴咗線,離晒譜,練到咁大隻!」問再慶功會否騷肌肉?佢話﹕「Eddie(彭于晏)一直有keep,我冇,叫佢裸跑,我陪跑,仲幫手管制人群。我最多搵盧覓雪跳番part舞。」

《激戰》開畫5日破千萬 張家輝潛入戲院被鬧黐線
同林超賢攬埋一嚿
《激戰》開畫5日破千萬 張家輝潛入戲院被鬧黐線
咁樣睇家輝又唔似咁大隻!
《激戰》開畫5日破千萬 張家輝潛入戲院被鬧黐線

《激戰》開畫5日破千萬 張家輝潛入戲院被鬧黐線
打出個未來!
《激戰》開畫5日破千萬 張家輝潛入戲院被鬧黐線