Ana R.昨晚化上古銅色彩妝配珠寶，令人眼前一亮。

近日再度瘦身成功的鄭欣宜，昨晚悉心打扮出席化妝品活動，現場見她下巴尖尖，身形再見纖瘦。她表示希望再下一城減多幾磅。不過，瘦身成功隨時令胸前「事業線」也縮水，欣宜自爆上圍不減反增，皆因胃腩縮水後上圍望上去更有升 cup效果。

鄭欣宜、陳見飛、 Ana R.、 o靚模蔡穎恩（ Evelyn）和陳嘉寶（ Anjaylia）等，昨晚到灣仔出席化妝品嬌蘭活動。近日欣宜再度瘦身成功，見她下巴尖尖，明顯再瘦一圈。問她是否已達到目標不會再減磅？欣宜表示對磅數仍未滿意，故此會再減。

陳淑芬否認責欣宜

可會擔心影響胸前事業線？欣宜說：「初時都擔心，但結果冇乜大影響喎，反而因為胃腩細咗，感覺仲似升咗 cup㖭。」雖然她瘦面成功，卻惹來整容疑雲，她透露：「有唔少人見我塊面瘦咗咁多，問我係咪打針，我聽到都好奇怪啲人做乜咁問，不過咁證明我減肥有成績。」有否需要換 bra？欣宜表示未有需要，但要換牛仔褲，因為大部份已不合身。
近日有報道指欣宜由去年底開始不想面對經理人陳淑芬，又指欣宜在微博晒三點式泳衣照被陳淑芬罵。陳淑芬昨日透過電話澄清，她否認報道，並說：「微博係家最流行，我點會反對？」她希望外界不要傷害她和欣宜，因為對她們不公平。

欣宜近日再減磅成功，下巴尖尖，難怪會被人誤會是以打針瘦面。

o靚模 Evelyn（右）和 Anjaylia經常以孖公仔姿態搵錢，兩人同謂不介意。

誤傳 Edison被襲亡

陳見飛帶同外籍男士一同到場，她強調彼此只是朋友，與男友感情沒變。昨午忽然誤傳陳冠希（ Edison）被襲身亡，陳見飛對此說：「我都有聽到，三個鐘前有記者打畀我，我聽到都好驚訝，噚晚（即前晚）我先同 Edison通電話。我都即刻打畀佢，但因為嗰邊係夜晚，電話冇人聽，我都有打畀爹哋問清楚。」她表示數年前也傳過 Edison自殺，她責罵誤傳消息的人黑心。
採訪： Grace Ho
攝影： Chan Shun Ching