袁偉豪5年後做男主角 連咀兩女神不過癮

袁偉豪最近在《好心作怪》劇中可謂艷福不淺,除了跟女神JJ(賈曉晨)飾演夫妻,還搭上老闆娘、另一女神蚊蚊(萬綺雯),更跟兩人有連場咀戲,令不少男士相當妒忌。不過身為當事人的袁偉豪卻並不享受,因拍攝時相當尷尬,只希望盡快拍攝完畢,幸好得到對手信任,才可放心完成。

撰文:杜淑霞
攝影:採訪: 服裝:double dog @ double brother

袁偉豪都承認劇集播出後,確實聽到不少朋友的羡慕聲音,「佢哋話你呢套劇就正啦!兩個女神都錫到!又睇到有網友話『你咁對JJ真抵打!』其實拍攝時真係無感覺,佢哋當然係正,但拍攝時點會諗呢啲嘢。」

劇中袁偉豪跟JJ和蚊蚊的情慾戲,以跟蚊蚊的偷情戲特別激烈,連車震都幾次,他記得初次跟蚊蚊見面便要拍車震戲份,但他並不享受反而大為緊張,「嗰日大家先至叫做啱啱識,就要拍呢啲戲,真係幾尷尬㗎!好在同蚊蚊溝通得好清楚,到拍嗰陣淨係諗,快啲做完就好啦!」

望5年做主角

袁偉豪今次角色有不少內心戲,相當有發揮,而剛拍罷《On Call 36小時》續集戲份亦不少,令他對近期發展相當滿意,更希望早日可以踏上主角之路,「真係幾開心㗎!啲戲份同角色都好重要,嚟緊開拍《飛虎》,都有自己為主嘅故事,希望嚟緊發展愈嚟愈好,5年後有機會做到主角啦!」

袁偉豪坦言作為男演員,演情慾戲份並不享受。
袁偉豪坦言作為男演員,演情慾戲份並不享受。

袁偉豪因拍戲經常暴曬,令眼白有色斑,要常戴太陽眼鏡。
袁偉豪因拍戲經常暴曬,令眼白有色斑,要常戴太陽眼鏡。

袁偉豪因拍戲經常暴曬,令眼白有色斑,要常戴太陽眼鏡。