廖碧兒棄舊迎新 暗示與陳豪玩完

廖碧兒棄舊迎新風騷晒命

剛被本報踢爆搭上「億萬闊少」林忠豪(Alastair)的廖碧兒,昨日風騷晒新男友,更將「前度」陳豪由好朋友降級為同事關係,二人拖拉了六年的感情終有了斷,陳豪昨日在家閉關療傷坦言以平常心面對,更謂外邊大片森林正等着他,笑稱會重組自己再次出發,感情、事業都自強不息。

陳豪與廖碧兒六年情玩完,令不少好友感到可惜。
陳豪與廖碧兒六年情玩完,令不少好友感到可惜。

廖碧兒(Bernice)日前被本報影到以正印女友身份出席富豪二代林忠豪與友人的飯局,陳豪卻被蒙在鼓裏,昨日Bernice返電視廣播城為劇集《依家有喜》拍攝時,早有準備由藝員部經理人陪同下入廠 ,對於被指有新戀情,她即狀甚風騷的謂:「冇!朋友啫!食飯時一大班人,仲一齊去咗另一度食大閘蟹,之後再去其中一個朋友嘅party。」

認與新歡啱嘴形

Bernice指在朋友介紹和林忠豪已相識了一段時間,問到發展到甚麼階段,她謂:「大家都係朋友,但將來嘅嘢大家都唔知。」又指自己以前讀工商管理,而這班朋友都做生意,又是回流返港的ABC,故有共同話題,說到陳豪都一口流利英語,陳豪是否認識林忠豪時,Bernice謂:「大家各有朋友嘅!(同陳豪close啲定係呢個?)哎呀!唔講呀!唔使分析,(你背住佢識呢個男仔?)報道咁寫啫!我不嬲光明正大。」

廖碧兒被踢爆搭上富二代林忠豪。
廖碧兒被踢爆搭上富二代林忠豪。
廖碧兒談起新戀情狀甚風騷。
廖碧兒談起新戀情狀甚風騷。
廖碧兒笑稱不慣坐林寶堅尼。
廖碧兒笑稱不慣坐林寶堅尼。

唔慣坐林寶堅尼

之前一向聲稱與陳豪是好朋友的Bernice即時改了稱呼:「同事還同事,同一間公司拍劇一定會畀人寫。」說到她忽然富貴,吃飯時拎住名貴手袋,Bernice指是幾年前的生日禮物,問她「林寶堅尼」好不好坐時,她笑謂:「架車好矮,我屋企嗰幾架都係大車,唔慣踎低。」此外,對於獲林忠豪力讚,廖碧兒笑說:「佢係咪真係咁講?係就多謝佢。(會唔會加分?)加咩分?朋友之間唔講分數。」

陳豪降格同事自閉療傷

陳豪與廖碧兒(Bernice)的六年感情,期間雖然離離合合,但無礙兩人以「情侶檔」接Job搵銀;不過,自女方於日前被本報踢爆正與坐擁數億身家的富豪二代Alastair拍拖後,陳豪亦坦然接受現實並以最平淡的心情面對,昨日不用為《心戰》開工的他,「屈」在家療情傷,當記者致電問候時,他亦樂於在「分手」後首次開腔回應,還大愛地說:「只要見到佢(Bernice)平安,我就安心!」

陳豪被Bernice由好朋友降級為同事,心情難免好差。
陳豪被Bernice由好朋友降級為同事,心情難免好差。

繼續「情侶檔」搵銀

眼見Bernice有「富二代」新歡,「被飛」的陳豪稱自己沒有酸溜溜,並以「佛偈」回應:「算啦,緣分呢啲嘢,係你就係你,好多嘢都係整定!(知道Bernice跟Alastair拍拖?)唔知,佢冇同我講,(Feel唔到?)真係Feel唔到,(被踢爆後Bernice有冇打畀你交代清楚?)冇喎,唔使交代啦,都好清楚啦,登晒出嚟!(酸溜溜?)平淡心情面對啦,我信緣分,(祝福佢?)只要佢平安,我就安心!(有冇影響你哋『情侶檔』搵銀?)應該唔會嘅,公司會有適當安排,工作嘅嘢我採取Open態度,每個Job都係一個機會,(見面會唔會感到尷尬?)唔會,再見亦是朋友。」

陳豪雖與廖碧兒分手,但不介意續以「情侶檔」接Job。
陳豪雖與廖碧兒分手,但不介意續以「情侶檔」接Job。

無懼雙失向前看

被形容為「雙失」即失「視帝」和「失戀」的陳豪並未氣餒,他自強不息稱要重組自己,為外邊大片森林努力。他說:「雙失?咪重新嚟過,(外邊大片森林嗎?)唔知呀,總之重組自己,明年再出發,好好做嘢,(有目標再拍拖?)希望有完整人生,有婚姻有事業,但會事業行先,因為緣分係要命運安排,(介意與富二代比較?)唔介意,人本來就冇分高低。」陳豪昨日雖全日足不出戶,但其座駕卻於下午三時,由三名懷疑是其親友開出,直駛至天后方向,估計是往陳豪媽媽的寓所。

林忠豪曾與諸葛傳緋聞

廖碧兒被指捨陳豪而戀上富豪第二代林忠豪,活躍於名人圈的林忠豪身邊一直不乏女伴,曾傳出和盧恬兒及諸葛梓岐拍拖,記者昨日聯絡上林忠豪,短短訪問中他對廖碧兒讚不絕口,至於兩人有否發展機會,他說:「唔清楚,好多因素,佢係好好嘅女仔!(邊方面好?)各樣都好,形象健康好啱傾,而且個人都幾好。」

諸葛梓岐否認曾和林忠豪拍拖。(資料圖片)
諸葛梓岐否認曾和林忠豪拍拖。(資料圖片)

至於廖碧兒曾和陳豪傳緋聞,林忠豪直言沒有留意,問到兩人在報道後有否聯絡,他說:「咁大件事你話有冇呀,其他嘢唔方便答啦。」

房祖名(左)對林忠豪(右)與廖碧兒傳緋聞頻呼大鑊。
房祖名(左)對林忠豪(右)與廖碧兒傳緋聞頻呼大鑊。

與林忠豪合作搞薄荷糖生意的房祖名被問到此事,他說:「吓!咁大鑊!我淨係公開場合見過廖碧兒一次,私底下冇見過佢哋一齊。」而諸葛梓岐則否認曾和林忠豪拍過拖,更表示大家不是太熟。

劉愷威恭喜舊愛釣金龜

廖碧兒「撻着」富二代,正是不少女生的求愛目標,就連她的前度男友劉愷威亦大讚了得,並透過本報向Bernice送上祝福。正身在四川拍內地劇的劉愷威,早年與Bernice在無綫劇《皆大歡喜》「撻着」,男方的父親劉丹亦對Bernice愛錫有加,曾以「新抱仔」稱之。

劉愷威祝福前度女友廖碧兒覓得好男友。
劉愷威祝福前度女友廖碧兒覓得好男友。

記者昨日致電劉愷威,愷威雖忙於為劇集開工,當得聞Bernice的新男友背景顯赫,亦讚嘆不已。他說:「嘩!好戥佢開心!做女仔梗係要搵番個好老公啦,尤其做娛樂圈呢行嘅女仔咁辛苦,雖然佢同新男友都稱對方為『朋友』,但佢哋都有可能發展成功架嘛!(打電話祝福佢?)唔會啦,我哋好耐冇聯絡,長途電話費貴呀,我依家返嚟香港嘅時間,平均一年得三個星期,返到香港都係陪屋企人為主。」

薛家燕讚Bernice愛無悔

曾與廖碧兒一同拍攝《皆大歡喜》的薛家燕,對舊拍檔傳出新戀情表示:「我一向都好錫Bernice,不過佢今次拍拖冇話畀我知喎,(釣金龜?)我熟悉佢嘅為人,佢好鬼妹仔性格,只要佢鍾意,就會喺埋一齊,唔關對方係咪金龜事,最重要係情投意合,開心就得啦!」

謝天華對廖碧兒有新男友表示︰「呢啲係佢哋兩個人嘅事,唔方便畀意見。(廖碧兒好開心?)我同佢呢排冇合作,返廠見到面冇傾呢個話題,佢一向都咁開心,成日笑到四萬咁口。」

網友撐陳豪轉追阿佘

一向深得民心的陳豪與廖碧兒六年情玩完,雖然陳豪感情失意,但獲大批fans網上力撐,更有人提議他名正言順追「三公主」佘詩曼!

Komui:拖拖拉拉都是時候解決,不過我buy陳豪多啲啦,咁不如陳豪可以名正言順去追阿佘。

獨木非橋:咁阿陳豪點算啊!

我是徐當當:很認真的說,這新歡真的是太配廖碧兒了,從來沒有看過這麼般配的一對兒。

開心Lucifer:如果係真,我覺得陳豪好慘咯!