趁陳豪生日送大禮 廖碧兒影射陳茵媺做第三者

趁陳豪生日送大禮 廖碧兒影射陳茵媺做第三者

趁陳豪生日送大禮
廖碧兒影射陳茵媺做第三者

【《蘋果》獨家專訪】昨日是陳豪 40歲生日,新歡陳茵媺受寵,舊愛廖碧兒就一定飛 out。廖碧兒去年 12月被指搭上富二代林忠豪而狠撇陳豪,自此被封拜金女,負面新聞不絕,日前廖碧兒接受本報記者獨家專訪,揚言陳豪六年來都不肯給她女友名份,又暗示去年 9月跟陳豪撻着的陳茵媺才是第三者,寸爆由失戀到有新戀情的陳豪變面神速,由慘樣突變開心男。說謊的伴侶,在她眼中才負面。撰文:夏琴

廖碧兒和陳豪的地下情一直是圈中公開的秘密, 08年廖碧兒闖影壇、拍西片,一度盛傳與陳豪感情告終;去年初有指佘詩曼拍無綫劇《公主嫁到》時媾陳豪,至 6月陳、廖復合,年底則有指廖碧兒飛陳豪搭上富家子林忠豪,於是變拜金女、形象差、被 TVB投閒置散,負面新聞成籮。

廖碧兒趁昨日舊愛陳豪牛一送禮贈興,暗示陳茵媺才是真正小三。攝影:林德雄

廖碧兒趁昨日舊愛陳豪牛一送禮贈興,暗示陳茵媺才是真正小三。攝影:林德雄

陳豪和廖碧兒的情侶檔深入民心,惜此情不再。資料圖片

陳豪和廖碧兒的情侶檔深入民心,惜此情不再。資料圖片

陳豪和陳茵媺去年拍攝無綫劇《心戰》時撻着,拍起感情戲特別投入。劇照

陳豪和陳茵媺去年拍攝無綫劇《心戰》時撻着,拍起感情戲特別投入。劇照

怨陳豪拍拖多年唔肯認

是非擾攘至今半年,日前廖碧兒接受本報記者專訪大談感情事,她不吐不快說:「一嚟報道話我一腳踏兩船,我自己都呆咗。我同 Moses(陳豪)都冇講過係男女朋友關係,一個女仔出嚟話佢係我男朋友,但你問個男仔佢唔認,我咪好瘀?如果有人喺公開活動拖我手,話呢個係我女朋友,我相信每個女仔都會好開心,但今時今日都冇,點知佢早排做訪問時講『過咗去就過咗去』,我都好 confuse。其實由《心花放》到《妙手仁心 III》,觀眾好接受我哋情侶檔,所以去到家嘅新聞,我覺得好可惜。」
陳豪一句「過咗去」,等同承認與廖碧兒有過一段關係,她說:「係囉,無啦啦,但關係可以係情侶檔或者同事朋友。」訪問中她多番揚言從來沒人認她是女朋友,她為何不問陳豪原因?她說:「每個人對認唔認都有自己嘅睇法同原因,你要問番人哋先得。」
廖碧兒被插一腳踏兩船,但陳豪沒幫口,她說:「冇話唔幫,但冇講過說話囉!」然後陳豪被飛很慘,廖碧兒是罪人,她寸陳豪:「可憐之後、俾人影咗(指陳豪與陳茵媺)之後突然開心番吖嘛,啲報道咁講。」

廖碧兒月前入院動手術後,曾被本報拍得於坑口村約會林忠豪。資料圖片

廖碧兒月前入院動手術後,曾被本報拍得於坑口村約會林忠豪。資料圖片

廖碧兒指陳豪一直未有給予她女友名份,惟有寄望將來男友識做。

廖碧兒指陳豪一直未有給予她女友名份,惟有寄望將來男友識做。

「第三者令感情冇得救」

其實,陳豪是否多大話?廖碧兒猶豫片刻才說:「我好難答。」陳茵媺是否第三者?她忽然語塞,支吾以對:「我唔知,我知佢哋上年合作過。」陳豪上月底被拍到在陳茵媺家過夜,實情兩人去年 9月合作新劇《心戰》撻着,隨時比廖碧兒結識林忠豪更早。問廖碧兒對雙陳戀有何看法?她說:「唔知,我冇睇,之前傳阿佘同 Moses我都冇回應啦,都係嗰句,係就恭喜佢,唔係就做嘢勤力啲囉。」
之前廖碧兒拍拖有沒有出現第三、四、五者?她愕然說:「唔答得呢個問題,總之我冇。」那陳豪有沒有?她即套用陳豪金句:「總之過咗去就過咗。」大多數人都無法容忍感情出現背叛、第三者或謊言,廖碧兒不例外,她說:「對感情係要好誠實,開心唔開心、不滿或滿足都希望同對方 share,但講大話係 minus(負面)。」對於近年小三成風,廖碧兒則說:「聽到有第三者嘅元素,都會有啲唔開心,會令感情冇得救囉。」
可是被狠批的是廖碧兒,指她當陳豪老襯、釣金龜,更難聽都有,她承認不開心,但既然無法控制,不如放開胸懷,她說:「最緊要自己知事實係點,世界係圓嘅,點樣對人一定會倒返轉頭,我會做好自己本份,其他嘅留畀上天安排啦。離離合合咁多年,人哋都有全新(女友)啦,我冇意見,我只可以話新一年新開始,無論身體上、私人上同工作上都從頭嚟過。」

「同陳茵媺唔係好朋友」

昨日有周刊刊登陳豪和陳茵媺訪問,陳豪自爆早於 09年的台慶上已對陳茵媺留好印象,還着傳媒給予兩人發展空間,廖碧兒昨於電話中聞悉後淡然說:「哦,係咩?報道未睇,佢都講咗 09年留意緊其他女仔,有好感,我冇得回應佢嘅感情問題,人哋嘅事點鋪排唔關我事。」對陳茵媺有何感覺?她說:「係同事,唔係好熟,冇乜點合作,唔係好朋友。」
髮型: Ivan Lee of Headquarters
化妝: Pui Pui
指甲: Katy of HH Salon
服裝提供: Gucci
場地提供:千鶴日本料理

承認對林忠豪有好感

日前林忠豪和母親齊出席公開活動,但二人均避談廖碧兒。資料圖片

日前林忠豪和母親齊出席公開活動,但二人均避談廖碧兒。資料圖片

廖碧兒沒有陳豪,身邊換上李澤楷富貴表弟林忠豪,日前本報更接獲讀者報料,指林在他的 blackberry messenger內展示其價值逾 300萬的紅色法拉利 458照片,不過廖碧兒強調她現已放低男女感情,即是單身,兩人只是朋友,她說:「我冇同佢拍過拖,當然做朋友係大家有好感。」林忠豪有否追過她?她大笑:「我都唔差,幾多人追 o架,哈哈!」

患難見真情

其實林忠豪跟廖碧兒度過一段難捱時刻。去年 11月,廖碧兒拍外景時踏空步傷了脊椎骨,壓着神經線,她一直忍痛至拍竣《依家有喜》,到今年 2月入院做手術切除部份椎骨,她說:「我哋係咁抵死,係咁捱,覺得自己 superwoman乜都做到,去到咁脆弱嘅時候,先知自己係一個人,唔係鹹蛋超人,最後仲要開刀。我都唔細,要錫自己啦,身體最重要。」

當時廖碧兒抱恙,林忠豪有沒有探她?她說:「冇乜,嗰時醫院咁啱有大新聞發生,我入院時都唔係好方便,屋企人探得我最多。」她出院後,本報曾拍得她與林忠豪在坑口村食飯,可見二人關係非一般。

此外,有傳廖碧兒被 TVB放棄,年底約滿後她將離巢發展,對此她說:「將來嘅嘢好難講,到家我同公司關係好好,我喺 TVB長大,差唔多 10年,年年都話公司雪藏我,其實公司好支持我。」藝員賺人仔成熱潮,廖碧兒也留一線,她說:「有藝員走亦有人留低,錢係其一,做得開唔開心係我好大嘅元素,都會諗自己將來。」首選留 TVB?她抵死說:「呢一刻會。」