由黎芷珊主持嘅《最佳女主角》噚晚首播,頭炮嘉賓係劉曉慶,之後仲會有劉嘉玲﹑鄭秀文﹑梁詠琪及陳慧琳等。今日有報道指節目原本做20集,點知就加碼到35集,令芷珊姐姐搵嘉賓而頭痕,據報道所講,芷珊姐姐積極邀約嘉賓上節目,當中包括張曼玉﹑章子怡﹑周迅及蕭芳芳等,不過就未有聲氣,由於時間緊迫,芷珊姐姐要搵視后嘅佘詩曼﹑楊怡及胡杏兒等頂上。
而今日芷珊姐姐到新城受訪,講到佢事業得意,但感情生活未有着落,佢話:「蘇民峰師傅話我明年結婚,如果真就係閃婚,因暫時冇對象。」
由於集數加至35集,黎芷珊近日積極搵嘉賓上節目。