不甘處處畀人恰 曹永廉由忠變奸遭掌摑

曹永廉在新劇由忠變奸發揮大，不惜被摑二十幾巴，而正參與兒童節目的他，沒有被小朋友打動，亦未有打算生多個小孩，現正全心湊好兩歲的囝囝。

曹永廉在新劇《飛女正傳》中的角色發揮大，有不少難忘場面：「個角色由畀人恰，變到有錢成日蝦人，對比好大，好多發揮。難忘嘅係有坐監戲，同冬天八、九度時拍游水，凍到暈，仲要游四式，而且烈哥（陳鴻烈）做我爸爸，有好多對手戲都好難忘。」

曹永廉難忘冬天拍游水戲，因十分辛苦又凍到暈。

曹永廉未有打算再生BB，只希望與太太姜依蘭專心湊好囝囝。資料圖片

曹永廉坦言在新劇中演技發揮大，更不介意被蔡少芬掌摑。資料圖片

最經典的還有被連摑二十多巴掌的場面，他笑言要搵人打消氣：「巴巴都堅打o架！睇就五巴，實際就二十幾巴，好彩變奸後打咗好多人，條氣順番。」他指飾演家姐的陳安瑩最重手，但笑言甘願被蔡少芬掌摑：「畀蔡少芬打冇所謂，佢錫咗我咁多啖，嗰排佢真係錫我多過錫佢老公。」

未打算再生BB

曹永廉無懼劇集被指抄襲，並期望收視漸升：「套劇咁多元素唔係淨係抄，我之後會『蠟』頭，可能似萬梓良。一開始對收視有啲失望，但有信心，有啲劇係要煲嘅，仲有十幾集，有排未到高潮。」現正主持兒童節目的他，面對大班小朋友，但未有打算再生BB，幸好外父姜大偉沒有施壓：「唔會追多個，一個已經大壓力，兩公婆要返工，平時工人湊，有時間都陪囝囝，集中火力喺佢一個身上。我屋企同外父都好民主，一個已經係好交代，多一個唔簡單。」

曹永廉拍劇時被摑二十多巴掌，更笑言角色變奸後要打人洩憤。

黃德斌貪得意露股

男人味十足的黃德斌，曾演過多類型角色，正派及大反派亦演得手到拿來，問到最想挑　戰甚麼角色，他說：「我好貪心，乜都想演，忠又好奸又好，最緊要睇個角色有冇趣味！」德斌的「肌」男外形冧盡女生，他直言不介意騷肌肉：「有機會就騷囉！但唔會刻意，呢排我都有健身Keep Fit。（露股？）睇吓劇本有冇需要，我又唔會好抗拒，乜都抗拒就冇意思。」

德斌在劇集《飛女正傳》中飾演警察，與蔡少芬有不少對手戲，更要飛來飛去，別看他牛高馬大，原來畏高：「以前冇咁畏高，但近年就驚啲，可能年紀大，拍嗰陣好多嘢諗，會諗條威吔會唔會斷呢？好在吊多兩次就習慣。」

黃德斌表示只要角色有趣，不會抗拒露股。