潛力圖又嚟喇！之前有美棋BB伸脷舔巨鴨圖，咁女主角一定要襯一個男主角0架嘛，就係阿Bob(林盛斌)喇！
有網民喺阿Bob個facebook度搵到幅2010年嘅舊相，見佢同范振鋒等人喺荷里活廣場出席新城活動，唔知係咪踢波踢得激得滯，阿Bob影相嗰陣忽然擘大咗個口……通常不問男女，只要你一嘴張開，就死得。阿Bob亦因為咁，成為改圖嘅基本步—萬能key！可發揮嘅空間，仲勁過萬能key始祖馬德鐘。係嘅，馬神家陣主攻內地市場，冇咩新作，想改圖都有難度。
名畫The Scream、跳水運動員、入樽人、這些機會…都key咗阿Bob呢個樣上去，仲要好鬼fit添！幅原圖就更加唔使講，三個人都變咗做阿Bob！
阿Bob勁呀，佢與眾同樂，喺微博度po咗有佢個樣嘅The Scream嘅惡搞圖：「各位親愛嘅高登巴打絲打，承蒙你哋嘅厚愛，為細佬大費心神去key盡百變造型，感激感激！呢個係我嘅最愛，正到爆，多謝！」咁識同網民交流，一定更like名Bob啦！
阿Bob嘅舊相被網民大搞特搞，仲要係惡搞，但惡搞得嚟好好笑。
阿Bob話最鍾意呢幅喎，大家又點睇？
鋤樽Bob…
跳水Bob…
Bob主席：「Too Simple！」
這些機會不是阿Bob…可以阻擋的。
同岳敏君嘅名畫有得揮啦~
原圖係咁…