藝人歐陽震華（Bobby）年初三凌晨與友人聚會期間昏迷入院，歐陽震華太太傅潔嫻及經理人今天再到醫院探望。

傅潔嫻下午1時現身醫院，但只逗留短短20分鐘便離開，探丈夫後的傅潔嫻，一展笑顏接受傳媒訪問，表示丈夫歐陽震華的情況好轉，可以說話交談，不過，還不可以吃東西，並且要打點滴，她指醫生還沒有指示何時可轉到普通病房。

歐陽震華太太，經理人及兩友人下午再次探望Bobby，5時20分步出病房，經理人表示Bobby情況好轉，但還需要醫生看多一至兩天情況先決定何時可以轉回普通病房。

歐陽震華仍留ICU　清醒講到嘢
2013年02月13日 (01:25 pm)

Bobby終於醒番，仲識安慰老婆大人，如今歐陽太可以放下心頭大石喇﹗

今日下午一點左右，歐陽震華(Bobby)老婆傅潔嫻同一個男伴抵達醫院，急步到入深切治療部睇Bobby，而Bobby經理人Lydia隨後趕到。被問到Bobby最新情況，Lydia話：「醫院今日通知咗，話佢今日比噚日好咗好多！」然後急急走入深切治療部。

傅潔嫻喺ICU逗留約20分鐘左右就出返嚟，面上明顯寬容不少，神情較之前輕鬆，有番笑容。佢話Bobby已經講到嘢，情況明顯好轉不少，但仍未能進食，只可以吊鹽水。問到Bobby有冇叫佢唔好咁擔心？傅潔嫻話有，又謂唔少朋友想嚟探Bobby，但礙於ICU唔方便，要等佢轉咗病房先得。咁Bobby幾時可以離開ICU？傅潔嫻話﹕「要問醫生，但應該唔會好耐。」

Bobby老婆傅潔嫻(右)同Bobby經理人Lydia。

笑晒

合十致謝

歐陽震華住多日ICU　可轉病房
2013-02-13 18:19:34

歐陽震華(Bobby)因為嗆喉致急性肺炎，被送入灣仔律敦治醫院深切治療部，令老婆大人傅潔嫻及經理人Lydia疲於奔命，擔心就更加唔在講。好在個人冇事，今日Bobby已經清醒番，可以講到嘢，而且留多一日就可以離開ICU，轉番普通病房。但仲未能進食，暫時要吊鹽水。

今朝傳潔嫻同Lydia探完Bobby，頭先又去多次，不過今次留得耐啲，下午4點05分入去，5點15分先出嚟。出到嚟，傅潔嫻疲態畢露，眼有紅筋，故記者提問都係由Lydia代答。

Lydia表示，Bobby已經好番好多，只係因為食咗藥，所以比較攰。記者問佢Bobby有冇瘦到？Lydia笑謂冇，但就補充謂有鬚根囉。

問到Bobby之後會否戒酒？Lydia表示﹕「唔關飲酒事，只係食嘢嗆喉，有細菌感染，先搞到肺炎。」幸好吉人自有天相，醫生表示Bobby住多日ICU就可以轉病房，但暫時就唔會考慮轉院。