歐陽震華、關詠荷主演劇集《情逆三世緣》雖然俾網民話膠，例如話，歐陽Bobby一靈魂出竅就飛咗去宋代上咗包青天身，令人感覺好「硬插」。

劇名名為《情逆三世緣》，之前宣傳時，關詠荷亦已交代一個劇要死三次，而且都係死於Bobby手下，由現代女主播、宋代韓學士到六十年代黑幫頭目老婆，三世都死喺Bobby手中。不過，好彩，係大團圓結局，大家唔使擔心。劇中成日見到嗰隻龜，有古怪0架！

睇咗頭三集，見到歐陽Bobby又喺度查案，感覺就同睇《施公奇案1+2》同《洗冤錄1+2》及《法證先鋒1+2》一樣，都係歐陽Bobby喺度查案………

溫馨提示，歐陽Bobby喺《施公奇案》同《洗冤錄》同《法證先鋒》三個劇，都係老婆死晒要續弦0架陰公!《施公》係講文頌嫻同郭可盈兩妾遇海難；《洗冤錄》係宣萱同陳妙英兩妻房被燒死，《法證I》愛妻劉錦玲被毒死……今次《情逆》關詠荷仲要死三次，Bobby係咪得罪咗邊個編劇呀？

Bobby於《情逆三世緣》又喪妻，之前幾個劇都喪妻，點解佢成日要演鳏夫？

《洗冤錄》宣萱同陳妙瑛都要死。

《施公奇案》又係，郭可盈要死。

《施公奇案》另一個老婆文頌嫻都要死。

《法證先鋒》劉錦玲又係死。

《情逆三世緣》仲陰公…同一個愛人關詠荷要死三次…

呢隻龜，有玄機0架！