日前因急促進食嗆喉致急性肺炎嘅歐陽震華（Bobby），目前仲喺灣仔律敦治醫院留醫，情況穩定，今日Bobby老婆傅潔嫻同經理人Kydia到深切治療部（ICU）探望，傅潔嫻近中午時份，先返屋企拎嘢，講到Bobby情況，佢好從容以OK手勢回應。

至於Lydia就話Bobby暫時仲未進食同落床，但就瞓得好舒服，佢仲轉述Bobby說話：「佢話習慣咗呢度聲音，護士對佢好好，仲問可唔可以唔轉出去住，原本早上收醫院電話，話可以轉病房，但嚟到安排又有問題。」Lydia又話Bobby仍要吊鹽水同藥物治理，一切要睇進度，唔急得。講返工作問題，Lydia話要以病人健康為先，所以Bobby幾時開工就真係未知，暫時要停工，佢亦強調未收到通知新劇停工。

Bobby快啲康復，拍好戲俾大家睇呀﹗

太太傅潔嫻（右）示出「Ok」手勢表示老公情況好轉後便與經理人（左）一起戴上口罩離開。

Lydia透露Bobby笑指覺得醫院舒服，並謂醫務人員待他很好。