自從楊崢與黃宗澤（Bosco）爆出姊弟戀後，有關女方嘅負聞新聞不絕於耳，毫無懸念成為各大雜誌及周刊封面人物。繼被爆楊崢報細數，年齡同Bosco由相差五年變相差九年後，又指楊崢當年曾趁住好友黃佩霞大肚，而撬牆腳搶人老公，甚至被封為「Model界孤獨精」。

雖然楊崢噚日已回應過搶人老公傳聞，佢話嗰啲都係舊聞，當年已回應咗，冇乜嘢可回應，又風騷咁話明白到呢排多人關注佢，所以先挖返啲舊聞出嚟講，而佢亦唔怕負面消息越揭越多，仲話冇得驚，會一笑置之。

言猶在耳，今日又有雜誌爆楊崢是非，話楊崢「男女通殺」，該報道指楊崢喺2005年，曾經同香港地產大亨趙世曾女兒趙式芝現任太太楊如芯（Sean）過從甚密，甚至出入對方寓所，更傳出佢哋涉及金銀瓜葛，雖然事後楊崢否認攣聞，咁會唔會抗拒與同性拍拖，楊崢當年曾講過：「唔知，我唔會歧視人哋。」而趙式芝接受該雜誌訪問時，對於楊崢曾同Sean傳攣情，佢就話唔知，亦唔方便講；而Sean亦表示唔方便講。

除咗與同性交往外，該報道又發現楊崢曾分過舊男友半層樓，事緣楊崢於2008年曾與法籍男友Patrick聯名以逾千八萬購入西貢白沙灣一個洋房連花園單位，惟兩人之後分手，Patrick以個人名義，以2千幾萬再買返同一單位，比首次買入時仲多咗262萬，冇幾耐楊崢喺北角半山雲景道富麗園，以910萬買入900呎單位，依家升值到1200萬，認真和味！

黃宗澤深情剖白姊弟戀

據了解，二人早於十四年前因為一個電視節目而認識對方，雖然甚少聯絡，但06年Bosco曾在一個訪問中表示，楊崢是他心目中的女神：「我比較欣賞成熟同知性嘅女仔。」直至12年中，Bosco與拍拖八年的胡杏兒分手後，他和楊崢才於一個朋友聚會中再度碰頭。

「Bosco嗰陣好唔開心，成班朋友就成日約佢出嚟聚會。有次食飯，Vannesa（楊崢）都喺度，嗰晚佢哋淨係傾食，都已經傾到停唔到口。」一名知情者说。次飯局重遇後，楊崢見Bosco因失戀情緒低落，便經常主動相約他到香港不同的特色餐廳試食。

事實上，對於飲食，Bosco和楊崢確實有着他們的熱忱。皆因前者自小已對烹飪十分有興趣，開餐廳更是一直的夢想。而同樣喜歡烹飪的楊崢，既經常擔任飲食節目主持外，12年更推出和飲食有關的著作 《For Two in 32 minutes把米芝蓮廚藝帶回家》，她亦透露過開餐廳的意願：「同啲名廚接觸過後，我自己都好想由細細間嘅咖啡店做起，希望終有一日開到間心水餐廳！」

知情者表示，他們這段情開始初期，正值Bosco忙於籌備開設蠔吧Oystermine。「Vannesa對間舖嘅裝修畀咗好多意見，有時Bosco趕拍劇，佢仲會落埋舖幫手睇進度。舖頭啲食物、酒水，佢都有同Bosco一齊試味同揀選。」這段籌備開舖的日子，造就了二人的感情更趨穩定。向來廣結人緣的Bosco，亦經常帶楊崢出席朋友聚會，公開其女友身份。女友1月23日生日當天，更訂了11枝玫瑰送到商台冧女友；又在農曆年期間，帶她到好友苗僑偉及樂易玲家拜年，友儕間也以「波嫂」來稱呼她；加上楊崢在男友籌備開舖期間，不時落手落腳從旁協助，蠔吧的員工亦早已視她為老闆娘，而Bosco也十分放心把餐廳讓她打骰。

Bosco與楊崢即使年齡上相差九年，也無礙二人的情投意合。他維護女友說：「喺我心目中佢係幾多歲咪幾多歲囉，唔需要同大家交代。我阿媽見過佢一面、打過招呼咁啦，我阿媽佢好開明，又咁錫我，佢一定會支持我嘅！」楊崢更是完全合乎了他心目中理想對象的條件：「我一直都好想搵一個有思想、有智慧，可以溝通到嘅女友。女朋友最重要係溝通到，互相畀到正能量就得，我就係愛佢（楊崢）有思想、有智慧！外表、年紀同身材都唔係重要，冇一定guideline！」頓了頓又笑着說：「其實我不嬲都唔鍾意身材豐滿型（女性）！哈哈！」

對於跟女友一樣同樣熱忱飲食和烹飪，他甜笑着說：「其實我從來都冇諗過女友一定要入得廚房，因為我自己都識嘛！哈哈！但呢方面我同佢（女友）的確好啱key！不過廚房係『一山不能藏二虎』，正如我同媽咪都唔可以一齊入廚，盞嗌大交！」輪流煮畀對方食，應該更有生活情趣！