【宗崢奇戀之模界圍插】黃宗澤(Bosco)與楊崢相戀一個月,近日有指因女方劈腿而吵大鑊,據悉二人正在冷戰,沒有聯絡,Bosco更已準備逐步淡出這段情,雖然楊崢設法挽回,但感情出現了裂痕就很難修補。兩位當事人昨死撐冇分手,而與楊崢同期出道的女模歐陽妙芝、陳嘉容及黃佩霞更聯手數臭她,妙芝更直指最看不過眼是楊崢曾搶黃佩霞老公,搞散人個家!
楊崢與黃宗澤譜姊弟戀僅一個月,有人就處心積慮要把戀情公開,不過人算不如天算,感情來得快,一樣可以去得快!近日楊崢的負面新聞慢慢浮現出來,被人踢爆劈腿,已嚇得Bosco準備慢慢撤退。不過為顧全面子,免外界覺得戀情太兒戲,所以兩位當事人昨都有默契地否認分手。
Bosco甜言冧嘉容
楊崢在娛樂圈人緣欠佳,遭不少與她同期出道的模特兒圍插。歐陽妙芝昨到灣仔接受nowTV訪問時,談到楊崢與Bosco的戀情時即寸她:「係咪咁有新聞價值?我見到係佢(楊崢)做封面都唔睇。」問到與楊崢熟嗎?她冷言:「咁多年我都冇佢電話,你話熟唔熟?連講過幾多次電話都數得出!」有指楊崢是模界獨孤精,談到她的人緣,妙芝反問:「你話呢?佢同男男女女都混熟啦!」有指楊崢曾搶黃佩霞老公,妙芝坦言當時經常陪着黃佩霞:「站在女人立場,見到姊妹咁樣,可以令個男人拋妻棄子,就可以想像到呢個人有幾……嘻嘻嘻,唔想講。」
妙芝亦曾跟Bosco及陳嘉容合作過,問到會否提醒Bosco睇定些?她笑說:「唔係我責任,交畀佢屋企人。」有傳Bosco與陳嘉容曾有一段情?妙芝指陳嘉容是窈窕淑女,Bosco在工作上對她有甜言蜜語也屬正常,但妙芝表示Bosco沒有這樣口花待她,似乎證實Bosco與陳嘉容的確有過一段情。
對於好友妙芝的言論,黃佩霞昨接受電話訪問時說:「好姊妹兩肋插刀,肉緊咗少少,佢哋錫我支持我箒!尤其喺我大肚做單親媽媽嘅時候,精神同體力上好support我,分手(前男友)唔涉第三者,冇人拆得散我哋,我哋係和平分手,分手之後佢同邊個一齊,我亦冇資格過問。」
而黃佩霞另一好友陳嘉容,昨被問到楊崢的為人時在電話中說:「我哋好少接觸,只係say hi同say bye!」提到楊崢被指當年搶黃佩霞另一半?陳嘉容說:「好大新聞!嗰時佢(黃佩霞)好傷心,我都有問候佢,但唔想煩佢,只係盡量安慰。」有指當年她與楊崢因同時獲邀為某名牌行騷獲得同等酬勞,惹起楊崢不滿,並向品牌詐型,以示自己高人一等?陳嘉容對此說:「我都有聽聞過,但呢啲係個客嘅選擇,唔係自己話事。」
楊崢死撐:一切如常
至於楊崢昨返商台主持節目,下午1時許離開,問到她與Bosco吵大鑊?她全程笑笑口死撐:「冇咁嘅事,今日都回應咗!」關係很好?她則說:「總之唔係事實嘅嘢唔回應。」有否壓力?她說:「一切如常!」問到是否太高調?但她未有回應便駕着Bosco的仿古車離開。而Bosco昨於將軍澳開工,問到分手一事?他笑說:「我真係唔識回應,睇報道先知。」問到母親是否不滿楊崢?他說:「我同媽媽都幾乎見唔到面,日日門口咁多朋友(指狗仔隊)喺度,點算?」但他死撐大家關係冇變。問到是否有長輩勸止?他嘆說:「唉!畀啲空間我哋啦,我唔識回應。」