黃宗澤認MV抄襲 「希望大家多體諒」

黃宗澤和 Chris Brown(下圖)的 MV開場,不約而同為大頭側鏡。電視圖片

黃宗澤和 Chris Brown(下圖)的 MV開場,不約而同為大頭側鏡。電視圖片

娛圈抄風橫行,黃宗澤也變身山寨版 Chris Brown,將美國 rap歌手 Chris Brown舊作《 With You》的 MV概念搬到其新歌《越過高山越過谷》 MV中,兩曲俱玩一人街舞及香車美人。黃宗澤昨卻自嘲拍攝當日以即食填鴨式學舞,「同 Chris Brown啲舞冇得比」!

黃宗澤( Bosco)近日推出新碟,當中由東亞唱片為他拍攝的《越過高山越過谷》 MV,竟跟 Chris Brown兩年前舊 MV《 With You》如出一轍。
《 With You》及《越》曲的 MV俱主打一人街舞,主角入夜後於街頭邊跳邊唱,又有香車美人的畫面,最後俊男美女相遇撻着。 MV中 Bosco跣住跳、 360度轉身及 moonwalk等舞技,雖然激似 Chris Brown的 MV,不過相比下 Bosco的舞姿及 MV拍攝質素,與《 With You》難免蚊髀同牛髀。

《正版》<br/>Chris Brown在 MV中獻出色舞技,黃宗澤卻東施效顰。

《正版》
Chris Brown在 MV中獻出色舞技,黃宗澤卻東施效顰。

《山寨版》

《山寨版》

《正版》<br/>黃宗澤的 MV有香車美人,跟 Chris Brown似到足。

《正版》
黃宗澤的 MV有香車美人,跟 Chris Brown似到足。

《山寨版》

《山寨版》

「拍攝手法同概念似」

Bosco昨直認確曾參考過《 With You》的 MV,他在電話中說:「導演有講 MV嘅 concept似,但古仔唔同,係拍攝手法同概念似。」對於被指抄襲, Bosco笑說:「同 Chris Brown啲舞冇得比啦,我拍嗰日係即食填鴨式, 6個鐘即學即跳兼拍晒。香港地 10樣嘢有 9樣半都俾人話抄,但香港市場多限制,就算原創好好,都未必有 budget支持。雖然抄 concept唔係啱,都希望香港人撐番香港人,希望大家多啲體諒啦。」