胡杏兒拉低《衝II》收視? 舊愛黃宗澤:湊巧而已!

黃宗澤(Bosco)今日喺中環出席麥當勞活動,講到無綫劇《衝上雲霄II》播咗十集,收視幾理想,咁有份拍過《衝I》嘅Bosco,有冇睇過呢?Bosco就話呢排忙冇時間睇。

有指佢舊愛胡杏兒一出場,就比指拉低收視,Bosco即話:「唔知喎,冇關係嘅,咁啱啫﹗」問佢會唔會捧杏兒場?佢話如果喺屋企都會睇,第一集佢都有份拍。

另外,講到黃智雯被指同有米男友山頂拍拖,問佢之前拍劇時,有冇見過智雯有男友接送?Bosco就話冇,但如果係真,會恭喜佢。至於佢自己感情事?佢就話隨緣。

黃宗澤出席麥當勞活動
黃宗澤出席麥當勞活動。

黃宗澤出席麥當勞活動
Bosco仲未有時間睇《衝上雲霄II》。

黃宗澤出席麥當勞活動