洗腦兒歌《食麵陷阱》 《請你食麵》Crossover《愛情陷阱》

今日係夏至,名符其實夏日熱辣辣啦!講起《夏日熱辣辣》,呢首兒歌最近唔知點解,又俾網民推返上水,作曲位福頭老師,被網民封為「香港搖滾歌姬」,佢喺《放學ICU》,即席彈唱咗兩句Heavy Metal版,唔知大家聽完又有冇Heavy Mad到呢?更加有樂隊翻玩咗《夏日熱辣辣》變成憂怨版…..個feel好鬼sad….

而最近網上熱傳嘅兒歌已經唔係《夏日熱辣辣》啦….係陳雋良作曲嘅《請你食麵》…呢首歌不單止歌詞九唔搭八,係咁「麵麵麵麵麵麵麵」,有網民仲數過話麵咗142次….洗腦程度真係直迫內地首神曲《忐忑》…

麥皓兒同吳綺珊
麥皓兒同吳綺珊….呢期紅咗….

呢首歌係由味之天使麥皓兒同吳綺珊主唱,兩個人喺麵檔煮麵,歌詞係「杯麵/伊麵/炒麵/冷麵一起互勉」究竟一堆麵點樣可以一齊互勉呢?然後又話:「食麵好比生命的幻變,甜酸苦辣味覺的考驗」網民又問苦嘅麵又可以去邊度食到呢。

難得作曲兼作詞人陳雋良喺fb仲回應話:「為了有教育意義及淺明易明!我們用了童謠+節奏明快的處理手法!有d相似我與一些HipHop界朋友合作一樣!創新又大膽!」

有網民將《請你食麵》掉轉播,出來效果好似唱緊泰文咁仲好聽,亦有網民覺得首歌同譚詠麟嘅《愛情陷阱》旋律好鬼似….索性將兩首剪埋一齊,變成「撥著大霧默默地在 食我煮嘅麵」…..呢首《食麵陷阱》又幾啱feel喎….

夏日炎炎聽完呢堆歌….會唔會更加火呢….如果兒歌金曲頒獎典禮有呢兩首歌…就正啦!

《夏日熱辣辣》原版MV

福頭老師《夏日熱辣辣》Heavy Metal版

《夏日熱辣辣》憂怨band cover:

《請你食麵》原版MV

《食麵陷阱》

《請你食麵》倒轉版

難得《請你食麵》作曲作詞人陳雋良都幾樂觀喎
難得《請你食麵》作曲作詞人陳雋良都幾樂觀喎…..


你睇下福頭老師幾肉緊….